Header Nepal rastra bank Adv

भारतय् कोरोना संक्रमण तीव्रगतिइ, लिपांगु २४ घौ दुने १३,३१३ म्ह संक्रमित

नेवा: अनलाइन न्युज – ललेन्द्र शाक्य | २०७९ आषाढ ९, बिहिबार १४:३०:४०

भारतय् लिपांगु २४ घौ दुने १३,३१३ म्ह न्हूपिं कोरोना संक्रमित थप जूगु दु । लिसें वहे इलय् ३८ म्ह संक्रमितया ज्यान वंगु दु ।

भारतय् हाकनं छक्वः कोरोना महामारीं गति काःगु दु । स्वास्थ्य मन्त्रालयं सार्वजनिक याःगु प्रतिवेदन कथं लिपांगु २४ घौ दुने १०,९७२ म्ह संक्रमणमुक्त जूगु दु ।

भारतय् आः सक्रिय संक्रमितया ल्याः थाहाँ वनाः ८३,९९० म्ह थ्यंगु दु । बुधवाः १२,२४९ म्ह न्हूपिं कोरोना संक्रमित थप जूगु दुसा १३ म्ह सीगु दु ।

कोरोना संक्रमितया ल्याः थाहाँ वनाच्वंगुलिं केन्द्रीय स्वास्थ्यमन्त्री मनसुख मण्डवीयं बिहिवाः अधिकारीपिंलिसे बैठक च्वंगु दु ।

बैठकय् कोरोनाया अप्वःगु संक्रमण नियन्त्रण यायेत सहलह ब्याकूगु दु । स्रोतया कथं बैठकय् चिकित्सा विज्ञपिं नं सहभागी जूगु दु ।

लिपांगु छुं दिंया कोरोना केसया रिपोर्ट स्वयेबलय् संक्रमणया गति अप्वःगु दु । आपालं विज्ञपिन्सं थुकियात प्यंगूगु लहर नं धाःगु दु ।

स्वास्थ्य मन्त्रालयं सार्वजनिक याःगु प्रतिवेदनय् मंगलवाः संक्रमितया ल्याखय् म्हो खनेदूगु खः । तर, बुधवाः व बिहिवाः हाकनं संक्रमण थाहाँ वंगु दु ।

Categorized in अन्तर्राष्ट्रिय