coved ad

भारतय् ओमिक्रोन संक्रमितया ल्याः साढे ५ हजारसिबें अप्वः

नेवा: अनलाइन न्युज – ललेन्द्र शाक्य | २०७८ पौष ३०, शुक्रबार १५:४६:०४

२४ घौया दुने कोरोना भाइरसपाखें थप निगू लख ६४ हजार २०२० म्ह संक्रमित जूगु केन्द्रीय स्वास्थ्य व परिवार कल्याण मन्त्रालयं शुक्रवाः जानकारी ब्यूगु दु । थ्वलिसें भारतय् मुक्कं संक्रमितया ल्इाः ३ करोड ६५ लख ८२ हजार १२९ म्ह थ्यंगु दु ।

वहे ई दुने थप ३१५ म्हेसिगु कोरोना संक्रमणया हुनिं सीगु दु । थ्वलिसें भारतय् कोरोनाया हुनिं सीपिनिगु ल्याः ४ लख ८५ हजार ३५० म्ह थ्यंगु मन्त्रालयं जानकारी ब्यूगु दु ।

आः भारतय् ५ हजार ७५३ म्ह ओमिक्रोनया संक्रमित दूगु नं उगु मन्त्रालयं शुक्रवाः जानकारी ब्यूगु दु । भारतय् आः संक्रमित अवस्थाय् हे दूपिनिगु ल्याः १२ लख ७२ हजार ७३ म्ह दु । वंगु २४ घौ दुने जक १ लख ५४ हजार ५४२ म्ह सक्रिय संक्रमित थप जूगु दु ।

भारतय् १ लख ९ हजार ३४५ म्ह कोरोनामुक्त जूगु दु । थ्वलिसें कोरोना सुरु जुइधुंकाः थुखे आःतक ३ करोड ४८ लख २४ हजार ७०६ म्ह कोरोना संक्रमणमुक्त जूगु दु । अन कोरोना भाइरसमुक्त जूगु दर ९५.२० प्रतिशत जूगु जानकारी ब्यूगु दु ।

कोरोना सुरु जुइधुंकाः आःतक ६९ करोड ९० लखसिबें अप्वः मनूतय्गु कोरोना परीक्षण जूगु दु । अन सन् २०२१ या जनवरी १६ निसें कोरोना भाइरसविरुद्ध खोप अभियान न्ह्याकूगु खः । उगु ईनिसें आःतक १ अर्ब ५५ करोड ३९ लखसिबें अप्व डोज खोप ब्यूगु दु ।

Categorized in अन्तर्राष्ट्रिय