nepal investment baink

भारतया ‘रियल’ मिल्खा सिंह कोरोना संक्रमणं मन्त

नेवा: अनलाइन न्युज – ललेन्द्र शाक्य | २०७८ आषाढ ५, शनिबार ११:४०:५५

कोरोना संक्रमणपाखें भारतीय कीर्तिमानी ब्वाकासामि धावक मिल्खा सिंह मन्त । कोरोना भाइरसया वासः याकाः वयाच्वंम्ह ब्वाकासामि सिंह वासः यायेगु झ्वलय् शुक्रवाः बहनी मदुगु खः ।

मे २० तारिखय् कोरोना संक्रमित जूम्ह ९१ दँया सिंहया चण्डीगढय् च्वंगु अस्पतालय् वासः जुयाच्वंगु खः । थ्वहे जुन ३ तारिखय् अस्पताल भर्ना जूम्ह सिंहयात जुन १३ तक आइसीयूस तयाः वासः याःगु खः ।

वधुंकाः पीसीआर रिपोर्ट नेगेटिभ वःम्ह सिंहया स्वास्थ्यय् हाकनं समस्या वयेधुंकाः आइसीयूस तःगु खः । वासः यायेगु झ्वलय् ब्वाकासामि मदुगु खः । भारतीय प्रधानमन्त्री नरेन्द्र मोदीं कीर्तिमानी ब्वाकासामि धावक मिल्खा सिंह मदुगुलिं शोक प्वंकूगु दु ।

Categorized in कासा