zero media family planning adv

भारतया सिक्किमय् ब्वःगु भुखाय् धक्का नेपाःतक

नेवा: अनलाइन न्युज – ललेन्द्र शाक्य | २०७७ चैत्र २४, मंगलबार १४:५५:०६

भारतया सिक्किमयात केन्द्रविन्दु दयेकाः ब्वःगु भुखाय् धक्का नेपाःतक महसुस जूगु दु । सोमवाः सनिलय् सिक्किमयात केन्द्रविन्दु दयेकाः ५.८ रेक्टरस्केलया भुखाय् ब्वःगु खः ।

खानी व भूगर्भ विभागया महानिर्देशक रामप्रसाद घिमिरेया कथं भुखाय् झट्का नेपाःया पूर्वी भूभागय् तकं महसुस जूगु खः । वं धाःगु दु, जनकपुरतक नं भुखाय् ब्वःगु तःधंगु झट्का महसुस जूगु जानकारी वःगु दु ।

थुखे, भारतीय संचार माध्यमतसें धाःसा बिहार, पश्चिम बंगाल व आसामलिसें देसया आपालं राज्यय् भुखाय् धक्का महसुस जूगु जानकारी ब्यूगु दु ।

अथेहे, विहारया पटना, किशनगञ्ज, अररियाय् नं भुखाय् धक्का महसुस जूगु दुसा दार्जिलिंग तकं यानाः उत्तर बंगालया आपालं जिल्लाय् भुखाय ब्वःगु झट्क महसुस याःगु दु ।

Categorized in अन्तर्राष्ट्रिय