prabhu baink new

भारतया विकल्प चीन

सानुराजा शाक्य
देस सामान्य अवस्थाय् मदु । मधेसी मोर्चाया आन्दोलन व नाकाय् बिउगु धर्नाया कारणं
नाकाबन्दीया कारणं भारतं सिमा नाकां पेट्रोलियम पदार्थ लगायत मालवाहक गाडीत नेपाः प्रवेशय् नियमित मजुइवं नेपालय् पेट्रोलियम पदार्थ लगायत खाद्यान्न संकटं नेपामितय् जनजीवन बामलाक प्रभावित जूगु दु ।
मधेसीतय् आन्दोलन थौंया न्हिं पचहतर दिनय् प्रवेश जूगु दु । बन्द व आन्दोलन प्यन्हु न्यान्हु
झिन्हु तक वंगु अनुभव बासाठ्ठी त्रिसाठ्ठी सालय् दयेधुंकूगु खः तर थुगसीया बन्द अले नाकां सामानत देसय् मवया जूगु नाकाबन्दी थुली ताः हाकः जुइ, स्थिति थुलितक भयावह जुयावनी धकाः हथाय्पथासं संविधान जारी याःपिं कांग्रेस एमाले लगायत एमाओवादीया शीर्ष नेतातसें नं बिचाः मयाः । अथे खःसां तबि संविधान जारी याःपिं सत्तारुढ दलया नेतातसें थ्व समस्यायात तार्किक निष्कर्षय् थ्यंकाः देसया संकट निवारण यायेगु स्वयां महेन्द्रकालिन राष्ट्रवादया वकालत यानाः भारत तम्वःसा चीन दु धइगु कथं अभ्यास यायेत स्वयाच्वंगु दु । थुकथंया अभ्यास न्हापा नं असफल जुइधुंकल । थुकथंया अभ्यासय् नेपाःया कम्युनिष्टत व पूर्व पञ्चतय् पार्टीत छगू कित्ताय् व कांग्रेस अन्यौलय् अले मधेसी दलतय्त मेगु कित्ताय् तया वहस शुरुजूगु दु ।
संविधानयात कयाः जूगु सहमति व असहमतिया नेपाःया आन्तरिक राजनीतिक दलतय् द्वन्द्वय् यःसां मयःसां जःला खःला देय् भारत व चीनया संलग्नता प्रत्यक्ष खने दयेवं नेपाःया थ्व आन्तरिक समस्याया अन्त गन थ्यनी धाये थ्व समस्यायात स्वयेगु दृष्टिकोणय् नेपालीत विभाजित जुजुं वनाच्वंगु दु । पहाडी लागाय् च्वंपिं गुलिखे नेपामि व राजनीतिज्ञ मिखाय् थ्व समस्याया जड भारत खः । भारतं हे सिमा नाकाय् सामानत नेपाःपाखे छ्वया महःगु खः । उकिं थ्व छगू कथं घोषणा मयाःगु नाकाबन्दी भारतं नेपाःयात याःगुलिं भारतया विरुद्ध नेपालीत छप्पं जुइमा थुकिया नितिं चीनया साथ कयाः भारतया क्यना बिइमाः । सार्वभौमसत्ता सम्पन्न देसया निर्वाचितसंविधानसभाया अत्यधिक बहुमतं संविधान दयेका भारतयात संलग्न मयासे संविधान दयेकूगुलिं भारत तंचाया थुकथं नाकाबन्दी याःगु खः उकिं भारतनाप थ्व इलय् झुके मजूसे सामना यायेमाः धइगु बिचाः तइपिं नं यक्व दु । थुकथं बिचाः तइपिं नेपाली व नेतातय् नितिं सामाजिक सञ्चालय् इलय् इलय् चर्चा जुइगु चीनं हजार गः पेट्रोल गाडी नेपाः छ्वया हयेत तयार यानातल, चीनं तत्काल हे ग्यास सिलिण्डरय् ग्यास जायेका छ्वया हयेत्यंगु दु धइगु समाचारयात उपलब्धिया रुपय् शेयर यानाः लयेताया च्वनी । मंगलबाः निसें चीनं केरुङ्ग नाकां पेट्रोल अनुदानय् बिइत्यंगु दु । भारतं पेट्रोलियम पदार्थ मवःसा आः चीने हयेगु तयार जुल
धइगु समाचार न्यना भारत विरुद्ध जूगु युद्धय् नेपाः त्याःहे त्यात धइगु कथं छथ्व नेपाली व नेतात लये लये ताःगु नं खनेदत । मेखे मधेस तराईया नेपाली जनता थःपिनिगु आन्दोलनया कारणं नेपाःया राज्यया केन्द्रयात बल्ल आथु आथु क्यंके फत पहाडी खस अहंकारवादयात क्वछुइका फुक्क उत्पीडित समुदायया पक्षय् थःपि सफल जुइगु जुल । थ्व आन्दोलनय् भारतं सिमर्थन जक बिउगु खः थुकिया कारणं भारतया विरुद्ध विषवमन यायेगु गलत खः धइगु कथं नेपाःया हे छथ्व नेपालीत भारतया समर्थन व विरोधय् विभाजित जूगु स्पष्ट खनेदत ।
अनुदानय् वःगु पेट्रोलियम पदार्थ जनताया ल्हातय् तक थ्यनीगु संभावना मदु । अधिकांश सत्तारुढ दलतय् गाडी सरकारी सुविधाया सरकारी गाडी जूगुलिं चीनं वःगु पेट्रोल दकलय् न्हापां सत्तारुढ दलया नेतातय् गाडीया ट्यांकी सितिकं जाइ । अले सुरक्षा निकायया गाडीया ट्यांकी जाइ वधुंकाःसरकारीकर्मचारीयत्गु सरकारी गाडीया ट्यांकी जाइ । थुकथं जाःगु ट्यांकी चिकं लिकना सरकारी निकायया हे कर्मचारीतसें चिकं ब्लाय्कं बजार छ्वयाच्वन धइगु आरोप नं दु । सरकारी कोटां सितिकं वःगु चिकं जनतायात न्यास निसें द्वःछि तक कयाः जनतायात चिकं बजार मियाच्वंगु बुख“ असत्य नं मखयेधुंकल । थुकथं इना चिकं ल्यं दुसा जनताया नामय्

लाइन तयेका चिकं बिइ गुगु चिकं सुथः न्हय्ता इलय् लाइन च्वन धाःसा बहनिसिया न्हय्ता इलय् पेट्रोल पम्पया लुखाय् जक थ्यनी अले चिकं फुत धकाः लुखाः तिना हइ । जनता आसं द्यँ द्यां लिहा“ वनेत वाध्य जुइ चीनया नाका चाल धकाः दक्षिणया नाकायात वेवास्ता यायेवं तुं समस्या ज्यनीगु मखु । मू समस्या धइगु तराई मधेसया जनतां ल्≈वनाच्वंगु समस्या समाधान मयायेकं चीनया नाका जक चायेवं समस्या ज्यनीगु मखु । चीनं तत्कालयात छुं भचा चिकं वयेफु तर पेट्रोलियम पदार्थया समस्या चीनं वयेवं ज्यनीगु मखु । दक्षिणया सिमाय् वःगु अवरोधं पेट्रोलियम पदार्थ जक पनाच्वंगु मखु नेपाःया फुक्क धइथें उद्योगया नितिं माःगु कच्चा पदार्थ नं पनाच्वंगुलिं हजारौं कलकारखानात बन्द जुयाच्वंगु स्वला दइन । उद्योग कलकारखानाया कच्चा पदार्थत चीन हये फइगु संभावना मदु । चीनं हइगु चिकंया भाः गुलि थ्यनी धइगु न्≈यसः छखे हे दनी । दक्षिणया नाका मवल धकाः उत्तरया नाकां वःगु चिकंया भाः दक्षिणया नाकां वइगु स्वयां अप्वः जुइ धकाः स्पष्ट हे जुइ धुंकल । थिकेक वइगु चिकं हयाः देसया अर्थतन्त्र सवल जुइगु अवस्था मजुइगु अवस्थाय् सत्तारुढ दलतसें कयाच्वंगु आःया नीति एमालेया उकाउन्न सालय् अरुण तेस्रोयात लित छ्वया जूगु नोक्सान स्वयां सन्तुलित कुटनीतिया अभावं सिर्जना जुइगु समस्याया घाः लंकेत नेपाःयात थाकुइ । उत्तरी नाकाय् नेपाःया नितिं माःगु फुक्कं कथंया सामात आयात यायेगु भौगोलिक संरचनात तयार जूगु नं मदुनि व संभावना नं तापाःगु हे जुल । उकिसनं हाइअल्टिच्यूट पार यानाः वयेमाःगु चिकुलां ख्वाउ“या आवात जावत हे संभव मजुइगु
यक्व कारणं उत्तरी सिमा भरपर्दो विकल्प थथ्थें नेपाःया नितिं जुइफइगु संभावना मदुनि । थुज्वःगु
यथास्थितियात अध्ययन मयासे क्षणिक आवेशय् भारतं सहयोग मयासा चीन द हे दुनि धइगु कथं कुटनीति म्हितल धाःसा तःधंगु धोका जुइ ।