kmc bidya

भारतं चीनयात ल्यूने लाकल, हलिंन्यंकं सीपिनिगु ल्याः ३ लख ७,१०० म्हं मयात !

नेवा: अनलाइन न्युज – ललेन्द्र शाक्य | २०७७ जेठ ३, शनिबार ०७:४९:२०

कोरोना भाइरसया हुनिं सीपिनिगु ल्याः ३ लख ७ हजार १ सय पुलेधुंकूगु दु । 

कोरोनां दकले अप्वः अमेरिकाया नागरिकपिं सीगु दुसा संक्रमण नं अमेरिकाय् हे आपालं ब्वलंगु दु ।

अमेरिकाय् कोरोना भाइरस संक्रमणपाखें सीपिनिगु ल्याः थौं शनिवाः चान्हय् २ ता ईतकया रिपोर्ट कथं ८७ हजार ९ सय ६५ थ्यंगु दु । अथेहे, अन भाइरसपाखें संक्रमित जूपिनिगु ल्याः १४ लख ७५ हजार थ्यंगु दु । शुक्रवाः अमेरिकाय् १ हजार ५३ म्ह मनूत सीगु दु ।

उखे, बेलायतय् सीपिनिगु ल्याः ३४ हजार थ्यंगु दु । संक्रमितया ल्याः २ लख ३६ हजार ७ सय पुलेधुंकूगु दु । लिपांगु २४ घौ दुने ३ सय ८४ म्ह मनूत सीगु दु ।

कोरोनाया उद्गमस्थल चीनय् ८२ हजार ९ सय ३३ म्ह संक्रमित जूगु दु । तर अन ७८ हजार २ सय ९ म्ह वासः यायेधुंकाः लंकाः छेँय् लिहाँ वनेधुंकूगु दुसा ४ हजार ६ सय ३३ म्ह सीधुंकूगु दु । आः ९१ म्हेसिगु वासः जुयाच्वंगु दु ।

चीनया बुहानं सुरु जूगु थुगु महामारीया लिच्वः लिपांगु इलय् युरोपय् अप्वः खनेदूगु दु ।

इटलीइ शुक्रवाः २ सय ४२ म्ह मनूत सीगु दुसा अन मुक्कं ३१ हजार ६ सय १० म्ह मनूत सीधुंकूगु दु ।

स्पेनय् शुक्रवाः १ सय ३८ म्हेसिगृु ज्यान वंबलय् मुक्कं २७ हजार ४ सय ५९ म्ह थ्यंगु दु ।

फ्रान्सय् शुक्रवाः १०४ म्ह मनूत सीगु दुसां मुक्कं सीपिनिगु ल्याः २७ हजार ५ सय २९ म्ह थ्यंगु दु । फ्रान्सय् १ लख ७८ हजार ८ सय संक्रमित जूगु दु ।

नेपाःया जलाखला देय् भारतय् नं सीपिनिगु ल्याः २ हजार ७ सय ५३ म्ह थ्यंगु दु । अन लिपांगु २४ घौ दुने १०४ म्ह सीगु दु । भारतय् संक्रमितया ल्याः ८५ हजार ७ सय पुलेधुंकूगु दु । थ्व ल्याः चीनया सिबें अप्वः जूगु दु । 

ब्राजिलय् १४ हजार ४ सय ५५ म्ह सीधुंकूगु दुसा २ लख १२ हजार संक्रमित जूगु दु ।

बेल्जियमय् नं सीपिनिगु ल्याः ह्वात्त हे अप्वःगु दु । अन ८ हजार ९ सय ५९ म्ह मनूत सीधुंकूगु दु ।

अथेहे, जर्मनीइ १ लख ७५ हजार ३ सय संक्रमित जूगु लिसें ७ हजार ९ सय ५१ म्ह मनूत सीधुंकूगु दु ।

इरानय् १ लख १६ हजार ६ सय संक्रमित जूगु दु । लिसें ६ हजार ९ सय मनूत सीधुंकूगु दु ।

रुसय् नं २ लख ६२ हजार ८ सय मनूत संक्रमित जुइधुंकूगु दुसा २ हजार ४ सय १८ म्ह सीधुंकूगु दु । लिपांगु २४ घौ दुने रुसय् थ्यंमथ्यं १० हजार ६ सय संक्रमित थप जूगु दु ।

दकले अप्वः लिच्वः लाःगु देसत ः

नेदरल्याण्ड – ५६४३

टर्की – ४०५५

क्यानडा – ५५५३

स्विडेन – ३६४६

स्विजरल्याण्ड – १८७८

मेक्सिको – ४४७७

इक्वेडर – २५९४

आयरल्याण्ड – १५१८

पेरु – २३९२

पोर्चुगल – ११९०

रोमानिया – १०७०

इण्डोनेसिया( १०७६ 

चीनया बुहान सहरय् लिपांगुखुसि खनेदूगु कोरोना आः हलिंया २ सय १३ गू देसय् ब्वलंगु दु । आःतक थ्व भाइरसया हुनिं ४६ लख संक्रमित जूगु दु । संक्रमितमध्ये थ्यंमथ्यं १७ लख ४० हजार लनेधुंकूगु दु । वासः लिपा थ्यंमथ्यं २५ लख ५७ हजारमध्ये ४५ हजारया अवस्था धाःसा तःच्वः जुयाच्वंगु दु ।

Categorized in अन्तर्राष्ट्रिय