नेवा: अनलाइन न्युज – ललेन्द्र शाक्य | २०८० भाद्र २१, बिहिबार १२:४६:२४

किपूया १० वडा तःननी त्वालय् च्वंगु तःननी दाफा खलः व द लोकल्स किपूया मंकाः ग्वसालय् नेकुं धाः बाजं ब्वज्या (गुँला बाजं) ज्याझ्वः जुइगु जूगु दु ।

ग्वसाः खलः तःननी दाफा खलःया नायः दिलीप कुमार महर्जन व द लोकल्स किपूया नायः निर्जला महर्जनं बियादीगु जानकारी कथं उगु गुँला बाजं नेकुं धाः बाजं ब्वज्या ज्याझ्वः थ्वहे वइगु ने.सं. ११४३ गुँलागा दसमी (भाद्र २३ गते) शनिवाः सनिलया ५ ता इलय् जुइगु जूगु दु ।

शनिवाः सनिलया ५ ता इलय् उगु गुँला बाजं नेकुं धाः बाजं ब्वज्या ज्याझ्वः किपूया १ वडा बाघभैरव परिसरय् च्वंगु प्रजा दबू नाराद्यःया देगलय् जुइगु जानकारी ग्वसाः खलकं ब्यूगु दु ।

ग्वसाः खलः तःननी दाफा खलः व द लोकल्स किपू नं शनिवाः जुइगु उगु गुँला बाजं नेकुं बाजं ब्वज्या ज्याझ्वलय् सकलसित उपस्थितिया नितिं इनाप याःगु दु ।

Categorized in कला