भागरथी हत्याया अभियुक्त बाल सुधारगृहय्
नेवा: अनलाइन न्युज – ललेन्द्र शाक्य | २०७७ फाल्गुण २८, शुक्रबार १६:०१:१९
बैतडीया दोगडाकेदार गाउँपालिका ७ चडेपानीया भागरथी भट्टया बलात्कारलिपा हत्या याःगु द्वपं लाःम्ह दिनेश भट्टयात पुर्पक्षया नितिं डोटी बाल सुधारगृहय् तःगु दु ।
जिल्ला प्रहरी ज्याकुथि डोटीया प्रहरी निरीक्षक कान्तिराज जोशीया कथं वयात बिहिवाः बाल सुधारगृहय् तयेत आदेश बिइखतं वयात डोटीया सिलगढीइ च्वंगु सुधारगृहय् तःगु खः ।
बैतडीया दोगडाकेदार गाउँपालिका ७ चडेपानीइ च्वंगु सनातन धर्म माविइ कक्षा १२ य् ब्वनीम्ह भागरथीया बलात्कार लिपा हत्या याःगु अभियोग वहे विद्यालयस ब्वनीम्ह दिनेश भट्टयात लाःगु खः ।
भागरथीया सीम्ह वंगु माघ २३ गते चडेपानीया हे खोचलेक चडेपानी ग्रामीण सतकया लवलेक जंगलय् लुइकूगु खः ।
Categorized in दुर्घटना-अपराध