kmc bidya

भाइरल जूगु लोककवि जकःमिया ‘कोरोना’ म्ये (भिडियो)

नेवा: अनलाइन न्युज – ललेन्द्र शाक्य | २०७७ बैशाख २५, बिहिबार १३:४४:३७

प्रचलनय् मवःनिगु पुलांगु यइपुसेच्वंगु लोक लसय् लोककवि राजभाई जकःमिं थःम्हं हे च्वयाः छगू म्ये हालाः फेसबुकय् अपलोड यानादीगु दु ।

आशावादी भावं जाःगु थुगु म्ये अतिकं हे न्ह्याइपुसे च्वं । अथेहे, लय् नं बांला, सः नं बांलाः, म्येग्वः नं बांलाः ।

लकडाउनय् च्वच्वं म्हाइपुयाः च्वंपिन्त न्ह्याइपुकाः ब्यूगु दु थुगु म्यें । थुगु म्ये बैशाख २२ गते २ः३० ता इलय् फेसबुकय् अपलोड जूगु खः  

आःतकया दुने द्वःछिम्हं मल्याक्क स्वकुमिपिन्सं शेयर यायेधुंकूगु थुगु म्ये २८,००० म्हं मल्याक्क स्वकिुमिपिन्सं स्वयेधुंकूगु दु

कोरोना सम्बन्धि नेवाः भाषाया दकले अप्वः भाइरल जूगु थ्वहे म्ये खः । थुगु ल्याखं लोककवि राजभाई जकःमिं थःगु इतिहास कियादीत ताःलाःगु दु ।

लोककवि जकःमिय थःगु हे क्वथाय् रिकर्ड जूगु थुगु म्येया बांजं ग्वसाः जुगल डंगोलं यानादीगु दु ।

अथेहे, म्येया संकिपा दयेके ज्या पवित्र कसाः न. यानादीगु दुसा भिडियो सम्पादन व फेसबुक अपलोड यायेगु ज्या वीरबहादुर महर्जनं यानादीगु दु ।

थुगु म्ये नेपाः देसय् जक मखु हलिंन्यंकं हे ब्यापक जुुजुं वनाच्वंगु दु । जकःमिं हे हालादीगु सत्यमोहन जोशीया म्ये नं अतिकं हे स्वकुमिपिन्सं ययेकूगु खः ।

(थन क्लीक यानाः जकःमिया कोरोना म्ये स्वयादिसँ)

Categorized in नेवाः