1142 nhoo dan adv

भाःतयात जा थुयाः नकेगु व नापं देनेगु यानादिसँ ः मखुसा जेलय् लाइ !!!

२०७२ माघ २५, सोमबार ०८:२२:४९

थः कलाःलिसे छगू हे लासाय् देने मखंगु व नापं देनेत वंसा तुतिं थ्वात्तुथ्वानाः, दायाः, क्ययेकाः घ्वानाहइगु वं मिजंया गुनासो

थःत जा थुयाः मनकूगु व छेँय् नं बांलाक्क वास्ता मयाःगु धासे छम्ह मिजं नं थः कलाःया बिरुद्ध अदालतय् मुद्दा तःगु दु  यदि वया अभियोग प्रमाणित जुल धाःसा उम्ह मिजंया कलाःयात ६ दँतकया जेल सजायँ जुइगु जूगु दु ।

न्यनेबलय् हे अजूचाइगु थुगु घटना युरोपेली मुलुक इटालीया खः । मध्य दक्षिण इटालीया लाजियोय् च्वनीम्ह छम्ह मिसायात थःहे भाःतं छेँजःपिन्त बेवास्ता याःगु द्वपनय् मुद्दा तःगु खः । वं थः कलाः बिरुद्ध ब्यूगु फिरादपतिइ कलाःम्हेस्यां छेँ सुचुपिचु मयाःसे छेँजःपिन्त हेपे याइगु व छेँजःप्रति कलाःया दुव्र्यवहार लिपांगु निदँतक जारी जुयाच्वंगु न्ह्यथनातःगु दु ।

नापं उम्ह ४७ दँया मिजं नं थः कलाःया हे उज्वःगु व्यवहारया हुनिं थः अतिकं फाहोर अवस्थाय् च्वनेत वाध्य जुयाच्वंगु गुनासो नं याःगु दु । थःम्हेस्या ताःलाकेगु नितिं थीथी नसाज्वलं न्यानाः हःसां नं कलाःम्हेस्यां ज्वरे मयाइगु व ध्वग्गीका कन्टिनरय् वांछ्वइगु उम्ह मिजं नं थः कलाःयात द्वपं ब्यूगु दु ।

व मिजंया मेगु द्वपं झन हे गम्भीर दु, थः कलाःलिसे छगू हे लासाय् देने मखंगु व नापं देनेत वंसा तुतिं थ्वात्तुथ्वानाः, दायाः, क्ययेकाः घ्वानाहइगु वं मिजंया गुनासो खः ।

थ्व अजूचायापूगु मुद्दाया पेशी वइगु अक्टोबर १२ य् तोकेयाःगु दु व वादीया दाबी गाःसा वा थ्यंसां उम्ह मिसायात ६ दँ तकया जेल सजायँ जुइफइगु कानूनी व्यवस्था दु ।