nepal investment baink

भक्तराजयात अन्तिम श्रद्धाञ्जलि

नेवा: अनलाइन न्युज – ललेन्द्र शाक्य | ने.सं. ११४४ सिल्लागा तृतीया

बरिष्ठ गायक संगीतकार भजन शिरोमणि भक्तराज आचार्ययात कलाकार, राजनीतिज्ञ, समाजसेवी सर्वसाधारणलिसें संगीतकःमिपिन्सं अन्तिम श्रद्धाञ्जलि देछाःगु दु ।

मदुम्ह आचार्यया पार्थिव शरीरयात श्रद्धाञ्जलिया नितिं सानो गौचरणय् च्वंगु संगीत नाट्य प्रज्ञा प्रतिष्ठानय् तयातःगु खः ।

बरिष्ठ संकिपा निर्देशक कलाकार नीर शाह, अभिनेता हरिहर शर्मा, नेपाली कांग्रेसया महामन्त्री विश्वप्रकाश शर्मा, माइती नेपालया नायः अनुराधा कोइरालालिसें थीथी संगीतकःमि व सर्वसाधारणपिन्सं आचार्यया पार्थिव शरीय् स्वां देछानाः अन्तिम श्रद्धाञ्जलि प्वंकूगु खः ।

मदुम्ह भजन शिरोमणि भक्तराज आचार्यया थौं मंगलवाः न्हिनय् १ ता इलय् पशुपति दीपय् राष्ट्रिय सम्मानलिसें दाहसंस्कार याइगु जूगु दु ।

Categorized in कला