नेवा: अनलाइन न्युज | २०८० भाद्र ३१, आइतबार ११:४६:३९

ब्राजिलय् विमान दुर्घटना जुयाः झिंप्यम्ह सीगु दु ।

ब्राजिलया अमेजोन राज्यया राजधानी मनौसया विमानस्थलपाखें उडान जूगु विमान ४ सय किलोमिटरया दूरी लाःगु बार्सिलोसय् दुर्घटना जूगु अन्तर्राष्ट्रिय संचारमाध्यमं जानकारी ब्यूगु दु ।

चीग्वःगु आकारया विमानय् चालक दलया निम्ह दुजः व झिंनिम्ह यात्रु दूगु खः ।

खराब मौसमया हुनिं विमान दुर्घटना जूगु अनुमान दु । तर, यकिन कारण सीमदुनि । दुर्घटना बारे अनुसन्धान जुयाच्वंगु बीबीसीं जानकारी ब्यूगु दु ।

Categorized in अन्तर्राष्ट्रिय