coved ad

ब्राजिलय् तच्वकं वा वल : झिम्ह सित, छेँ पिने मवयेत सुचं बिल

नेवा: अनलाइन न्युज – ललेन्द्र शाक्य | २०७८ पौष २८, बुधबार १५:३७:०६

ब्राजिलय् वा वयाः कम्ती नं झिम्ह मनूत सीगु दु । दक्षिणपूर्वी ब्राजिलया छुं छुं भागय् वंगु २४ घौनिसें मदिक्क वा वयाच्वंगु धाःगु दु । उगु वापाखें वंगु २४ घौ दुने कम्ती नं झिम्ह मनूत सीगु जानकारी ब्यूगु दु ।

तच्वकं वा वयाः अन चलः (पहिरो) तकं कुतुंवःगु दु । चलखय् लानाः छखा छेँया निम्हत्यपु व इमि निम्ह सन्तान ल्हाःगु दु । ल्हाःगु थासं इमिगु उद्धारया ज्या जुयाच्वंगु जूसां नं तच्वकं वःगु वाया हुनिं उद्धार यायेत अतिकं थाकुयाच्वंगु जानकारी ब्यूगु दु ।

उगु वापाखें सीपिं झिम्हेसिगु सीम्ह लुयावःगु धाःगु दुसा मेपिं सुं सुं तनाच्वंगु जानकारी ब्यूगु दु । तनाच्वंपिनिगु मालेगु ज्या जुयाच्वंगु प्रहरीं जानकारी ब्यूगु दु ।

ब्राजिलया दक्षिणपूर्वी क्षेत्रय् वंगु २४ घौनिसें मदिक्क वा वयाच्वंगु दु ।

वा वयेगु क्रम अझ नं छुं ई मदीगु जूगुलिं छेँ पिने पिहाँ मवयेत सुचं सार्वजनिक याःगु दु ।

वा वयाच्वंगु मद्यूगुलिं उगु थासय् भौतिक संरचनात नं दुंगुलिं सुं सुं मनूतय्त उद्धार याःगु दु ।

Categorized in अन्तर्राष्ट्रिय