nepal investment baink

ब्राजिलय् खुसिबाः, ५७ म्ह सित, ३७३ म्ह बेपत्ता

नेवा: अनलाइन न्युज – ललेन्द्र शाक्य | ने.सं. ११४४ चिल्लागा द्वादसी (२०८१ बैशाख २३ गते) आइतवाः

ब्राजिलय् आपालं वा वयेधुंकाः वःगु खुसिबालय् लानाः ५७ म्ह सीगु दुसा ३७३ म्ह बेपत्ता जूगु दु ।

वाफय् लिसेंया वःगु वापाखें ब्राजिलया रियोग्राण्डेडुसुल राज्यय् अप्वः लिच्वः लाःगु दु ।

खुसिबालं आपालं थाय्या सतक व तां (पुल) चुइकाः यंकूगु दु । बस्तीत डुबानय् लाःगु दु । राज्यया ४९७ सहरमध्ये निगू तिहाईदुने अप्वः लिच्वः लाःगु दु । सीएनएनं २८१ नगरय् लिच्वः लाःगु जानकारी ब्यूगु दु ।

ग्राण्डेडुसुलया राजधानी पोर्टोएले ग्रेदुने च्वंगु गुइबा तलाउया सतह थाहाँ वयेधुंकाः खुसिबाःया रुप कयाः सतक व बस्ती डुबानय् लाकूगु अन्तर्राष्ट्रिय संचारमाध्यमं जानकारी ब्यूगु दु ।

स्थानीय अधिकारीपिनिगु कथं थुकिं ६७ हजार जनसंख्या लिच्वः लाःगु दुसा झिद्वलं मल्याक विस्थापित जूगु दु ।

Categorized in अन्तर्राष्ट्रिय