नेवा: अनलाइन न्युज | २०८० आश्विन १, सोमबार ११:३१:४१

गुल्मीदरबार गाउँपालिकां ब्याहा मजूपिं मिसा व मिजंयात भत्ता बिइगु जूगु दु ।

गाउँपालिकां ४० दँ पूवंपिं मिसा व ४५ दँ पूवंपिं ब्याहा मजूनिपिं मिजंपिन्त सामाजिक सुरक्षा ज्याझ्वःपाखें भत्ता बिइत्यंगु खः ।

गाउँपालिकाया वार्षिक नीति व ज्याझ्वःपाखें स्वीकृत ज्याझ्वः अन्तर्गत साउन महिनानिसें सामाजिक सुरक्षा ज्याझ्वःपाखें भत्ता बिइगु कथं सुचं सार्वजनिक याःगु दु ।

पालिकां सार्वजनिक याःगु सुचं दुने वडापाखें ब्याहा मजूगु प्रमाणित पौ, नेपाली नागरिकताया प्रमाणपत्र, निगू प्रति किपाः, बैंक खाता नम्बर व चेक बुकया प्रतिलिपिनापं मां अबुया नां व मोबाइल नम्बरलिसें निवेदन पेस यायेमाःगु न्ह्यथनातःगु दु ।

Categorized in स्थानिय-समाज