nepal life 2076 3 18

बोल्ड हिरोइन प्रियंका कार्की नं मां जुल

नेवा: अनलाइन न्युज – ललेन्द्र शाक्य | २०७८ आश्विन ७, बिहिबार ११:१४:०४

नेपाली मनोरञ्जनया संकिपा ख्यलय् बोल्ड हिरोइन कथं कयातःम्ह प्रियंका कार्की नं मां जुल । प्रियंकां म्ह्याय् बुइकूगु खः । प्रियंकां बुधवाः न्हिनय् १२ ता ईपाखें नेपाल मेडिसिटी अस्पताल भैसेपाटी यलय् म्ह्याय् बुइकूगु खः । म्ह्याय् बुइकेधुंकाः प्रियंका व हिरो आयुष्मान देशराज मचाया अभिभावक जूगु दुसा मचाया नां आयंका तःगु दु ।

सामाजिक संजालय् किपाः पोष्ट यासें प्रियंकां थः मां जूगु खँ सार्वजनिक याःगु खः । 

सामाजिक संजालय् प्रियंकां थ्व सुन्दर संसारय् म्ह्याय् आयंका कार्कीयात लसकुस दु धकाः च्वःगु दु । किपातय् प्रियंका व आयुष्मान देशराज जोशी अतिकं लसता पिज्वयेकाः च्वंगु खनेदु ।

बोल्ड हिरोइन प्रियंका कार्की व हिरो आयुष्मान देशराज जोशीं वि.सं. २०७६ फागुन १६ गते ब्याहा याःगु खः । प्वाथय् दयेधुंकाः प्रियंकां सामाजिक संजालय् पोष्ट याःगु किपातं वया चर्चा व आलोचना तकं जूगु खः ।

देश पितृसतात्मक जूसां नं प्रियंका कार्कीं थः म्ह्याय्या नां आयंका जोशी मतःसे आयंका कार्की तःगु दु ।

 

Categorized in कला