prabhu baink new

बेहोस जूम्ह पुलिसचा वासः यायेगु झ्वलय् सित

नेवा: अनलाइन न्युज – ललेन्द्र शाक्य | २०७७ भाद्र २०, शनिबार १२:३३:५६

कञ्चनपुरय् ड्युटीइ खटेजुयाच्वंगु इलय् बेहोस जुयाः ग्वारातूम्ह छम्ह पुलिसचा वासः यायेगु झ्वलय् सीगु दु ।

डडेल्धुरा अजयमेरु गाउँपालिका २ या पुलिस सुरेन्द्रकुमार ऐरया वासः यायेगु झ्वलय् सीगु जिल्ला प्रहरी ज्याकुथि कञ्चनपुरं जानकारी ब्यूगु दु ।

दंगा नियन्त्रण प्रहरी गणय् ज्या यानाच्वंम्ह पुलिस सुरेन्द्रकुमार ऐर वंगु चान्हय् १२ ता ईलिपा ड्युटीइ खटेजूगु खः । जिल्ला प्रहरी ज्याकुथि कञ्चनपुरया प्रवक्ता प्रहरी नायब उपरीक्षक अमरबहादुर थापां धाःगु दु, ५ नम्बर पोष्टय् ड्युटीइ खटेजूम्ह ऐर आकाझाकां बेहोस जुयाः ग्वारातूगु खः । वया वासः यायेगु झ्वलय् थौं शनिवाः सुथय् सीगु खः ।

ऐरयात वासः यायेगु नितिं सेती प्रादेशिक अस्पताल धनगढीइ यंकूगु खः । वासः यायेगु झ्वलय् थौं शनिवाः सुथय् ५ः५० ता इलय् उम्ह पुलिस सीगु प्रवक्ता थापां जानकारी ब्यूगु खः ।

Categorized in दुर्घटना-अपराध