1142 nhoo dan adv

बेलायतया छगू स्कुलय् मिनीस्कर्ट प्रतिबन्ध

२०७२ आषाढ १, मंगलबार ०८:४०:१३

बेलायतया छगू मिसातय् स्कुलया सिनियर विद्यार्थीपिंत चीहाकःगु स्कर्ट (मिनीस्कर्ट) फीत प्रतिबन्ध तःगु दु । आः उमिसं साधारण सूट फिइमाली व म्हो जक मेकअप छ्यलेमाली ।

हार्टफोर्डशायरया ए लेभलया मिसा विद्यार्थीतय् निंतिं चीहाकःगु स्कर्टय् प्रतिबन्ध तःगु खः । स्कुलया प्रधानाध्यापिका रोज हार्डीं ‘सोबर’ सूटया निंतिं न्हूगु ड्रेसकोड व म्हो मेकअपय् बः ब्युसें स्मार्ट लनं प्रोफेशनल व लक्ष्य केन्द्रित व्यवहार क्यनी धयादिल । आखः ब्वनेगुली प्रतिबद्ध जुइत थुकथंया प्रतिबन्ध तयेमाःगु वयकःया धापू दु ।



स्थानीय पत्रिका ‘द टेलिग्राफ’या खबर कथं धाःसा थ्व निर्णय अभिभावकपिंसं ययेकाच्वंगु मदु । उमिसं विद्यार्थीपिनि स्वतन्त्र अभिव्यक्तिइ व स्वतन्त्रताय् बीत माग याःगु दु । अभिभावकपिंसं स्कुलयात छपौ च्वयाः थःपिं थुज्वःगु निर्णयपाखें अजू चाःगु व थः मस्तयत थुज्वःगु साधारण व अप्रचलित ड्रेसकोड बीमाःगु छाय् धकाः लिसः फ्वंगु दु ।