nepal investment baink

बुधवाः लुँ तोलाय् द्वःछि तका थाहाँ वन, वहःया भाः नं थाहाँ वन

नेवा: अनलाइन न्युज – ललेन्द्र शाक्य | ने.सं. ११४४ बछलाथ्व सप्तमी (२०८१ जेष्ठ २ गते) बुधवाः

थौं बुधवाः लुँया भाः तोलाय् द्वःछि तका थाहाँ वंगु दु ।

नेपाल सुनचाँदी व्यवसायी महासंघं थौं बुधवाःया नितिं लुँया भाः तोलाया १ लख ३८ हजार ४ सय तका कायम याःगु दु ।

न्ह्यःया दिं लुँ तोलाया १ लख ३७ हजार ४ सय तकां कारोवार जूगु खः । लुँया भाः थ्वसिबें न्ह्यः बैशाख ९ गते आःतकया हे उच्च तोलाया १ लख ३९ हजार ३ सय तका थ्यंगु खः ।

वहःया मू धाःसा न्हूगु रेकर्ड जूगु दु । थ्वसिबें न्ह्यः बैशाख ९ गते व मंगलवाः तोलाया १ हजार ७ सय ४० तकाया उच्च रेकर्ड जूगु वहः थौं बुधवाः तोलाया १ हजार ७ सय ४५ तका कायम जूगु दु ।

Categorized in बजाः