zero media family planning adv

बुद्धभजन म्ये कासाय् उत्कृष्ट टप १० कासामिपिं घोषणा, सु सु लात ?

नेवा: अनलाइन न्युज – ललेन्द्र शाक्य | २०७७ भाद्र २५, बिहिबार ११:४०:३४

बुद्ध शान्तपार्क अनलाईनया ग्वसालय् प्रतिभाया खोजी २०७७ नेपालभाषा व खस नेपाली भाषा बुद्धभजन म्ये कासा जुयाच्वंगु दु ।

थ्वहे झ्वलय् थौं भाद्र २५ गते बिहिवाः यूट्युब च्यानलपाखें नेपालभाषा व खस नेपाली भाषाया झिम्ह झिम्ह यानाः उत्कृष्ट टप १० कासामिपिनिगु नां घोषित याःगु दु ।

उगु कासाय् मुक्कं १८० म्ह म्येहालामि कासामिपिन्सं ब्वति काःगु खःसा उपिंमध्येपाखें नेपालभाषाय् उत्कृष्ट टप १० य् झिम्ह व खस नेपाली भाषाय् उत्कृष्ट टप १० झिम्ह म्येहालामि कासामिपिं यानाः २० म्ह म्येहालामि कासामिपिनिगु नां सार्वजनिक याःगु खः ।

उत्कृष्ट टप १० नेपालभाषाय् छनौट जूपिं बुद्धभजन म्येहालामिपिं खः, मिना मानन्धर, सुशील शाही, गीता शाक्य, राजेन्द्र बज्राचार्य, प्रतिमा बज्राचार्य, रविन श्रेष्ठ, रेजिना बज्राचार्य, राजु शाक्य, मन्जिल शाक्य व विनोदरत्न शाक्य खः ।

अथेहे, उत्कृष्ट टप १० खस नेपाली भाषाय् छनौट जूपिं बुद्धभजन म्येहालामिपिं खः, कल्पना श्रेष्ठ, ससुरज मानन्धर, अगीना तण्डुकार, रेशम थापा, सुजना महर्जन, सुमन शाक्य, मनिका तुलाधर, सविना मानन्धर, अनिशा शाक्य व दिल्लीराज शाक्य खः ।

छनौट कासामिपिन्त याकनं न्हूगु म्येया ट्रायक उपलब्ध याकेत ग्वसाः खलकं इनाप याःगु दु ।

लिपांगु चरण छनौटया नितिं प्रत्यक्ष रुपं प्रतिभा न्ह्यब्वयाः निर्णायक मण्डलया निर्णय कथं निगुलिं भाषाया म्येपाखें न्हाप, ल्यू व लियांल्यू उपाधि लःल्हायेगु जानकारी नं ग्वसाः खलः बुद्ध शान्तिपार्क अनलाईनं ब्यूगु दु ।

Categorized in कला