kmc bidya

बिद्वान डा. कमलप्रकाश मल्लयात लुमंकल

नेवा: अनलाइन न्युज – निश्चल | २०७६ कार्तिक २०, बुधबार २०:२५:१५

मदुम्ह डां.कमलप्रकाश मल्लया न्हापांगु पुण्य तिथि छगू ज्याझ्वः यासें वयकलं यानादिगु योगदानयात लुमंकुगु दु ।
कमलप्रकाश मल्ल प्रतिष्ठानया ग्वसालय्  थौं बुद्धवाः येँया नेपाः ब्याकेट् जुगु उगु ज्याझ्वलय् थीथी ख्यःया हनेबहपिं ब्यक्तिपिं उपस्थित जुगु खः ।
प्रतिष्ठानया नायः जनकबि दुर्गालाल श्रेष्ठया सभापतित्वय्  जुगु उगु ज्याझ्वलय् मदुम्ह मल्लयात लुमंका छगू मिनेट मौन धारणा याःगु  खःसा ज्याझ्वलय् ब्वति काःपिं सकस्यां वयकःया किपाय् श्रदाया स्वां देछाःगु खः ।

नेपालभाषा साहित्य ख्यलय् वयक यानादिगु ज्यायात कयाः साहित्यकार भुषण प्रसाद श्रेष्ठं दुग्यकं खँ तयादियु खःसा ज्याझ्वलय् पुलाम्ह उपकुलपति केदार भक्त माथेमा, नांजाम्ह साहित्यकार अभि सुवेदी, अमेरिकाया संस्कृकितविद न्यान एस्टोलपिन्सं मल्लं यानादिगु योगदान यात कयाः नुखँ खँ तयादिगु खः । सकसितं लसकुस प्रतिष्ठानया छ्याञ्जे निर्मल तुलाधरं यानादिगु खःसा ज्याझ्वः साहित्यकार रिना बानीया तुलाधरं न्ह्याकादिगु खः ।

Categorized in नेवाः