nepal investment baink

बाशु शाहिया संकिपा “ जुजु ” या भिंसाइत

नेवा: अनलाइन न्युज – निश्चल | ने.सं. ११४४ चिल्लाथ्व चर्तुदशी (२०८० चैत्र ११ गते) आइतवाः

नेवाः संकिपा ख्यलय् दिपा मदिक्क पलाः न्ह्याका वया च्वंम्ह निर्देशक बाशु शाहीया न्हू संकिपाू “जुजु ” या भिंसाइत चुलाकेगु ज्या वंगु  शुक्रबार छगू ज्याझ्वःया दथुइ  जूगु दु । ख्वपय् जूगु उगु ज्याझ्वः सुकुन्दा फिल्म्सया कजि बाशु शाहीया सभानायसुइ न्ह्याःगु उगु ज्याझ्वःया मूपाहाँ कथं राष्ट्रिय प्रजातन्त्र पार्टीया केन्द्रिय सहायक महामन्त्री रविन्द्र प्रताप शाह व विशेष पाहाँ कथं नेपालभाषाया न्हांपाम्ह सिने पत्रकार विजयरत्न असंबरे  व संगीत व संकिपाह्यमि स्वतन्त्र संसार महर्जन लगायतया व्यक्तित्वपिं झायादीगु खः ।

ख्वपय् जूगु  “ जुजु ” संकिपाया भिंसाइत चुलाकेगु ज्याय् मूपाहाँ रविन्द्र प्रताप शाहं क्लाएप थाना दिलसा भिंसाइत या नैंक्या विशेश पाहाँ विजयरत्न असंबरें तछ्यानादिल । अथेहेतुं क्यामेराया स्वीच अन नेवाः एच डि टिभिया कजि नविन जोशीं यानादिलसा कलाकार हरि घेमोसुं अभिनय न्ह्यब्वयादीगु खः ।

सुकुन्दा फिल्म्सया ग्वसालय् उगु ज्याझ्वः ख्वपया चोंगा गणेद्यःथाय्या लिक्कसं च्वंगु नेवाः ननिइ जूगु उगु ज्याझ्वलय् जुजु या भिंसाइत चुलाकेगु  या नापनापं चिहासंकिपा  क्षमा व म्हिगः म्हिता  म्युजिक भिडियो पितब्वज्या नं जूगु खः ।

क्षमा संकिपाया निर्देशक राजेश गोसाइ , च्वमि रेणु सुवाल , छायाँकन व सम्पादन बालकुमार मगरं यानादीगु खः । थुके हरि घेमोसु , सुजना बज्राचार्य , सिर्जना प्रजापति , विक्रम खडगी लगायतं अभिनय यानादीगु दु।

अथेहेतुं  अमर गायक स्वयम्भु राज शाक्यं हालातःगु म्ये म्हिगः म्हिता या निर्देशन बाशु शाही , छायाँकन विशु शाही , सम्पादन विवेक घेमोसुं यानादीगु खः।

ज्याझ्वलय् पितब्वज्या जूगु चिहासंकिपाू क्षमा ” व म्युजिक भिडियो “ म्हिगः म्हिता” या समीक्षा विजयरत्न असंबरें यानादिल ।मूपाहाँ रविन्द्र प्रताप शाहं थः नेवाः मखुसां नेवाः कला,संस्कृति व भाय प्रति थःगु विशेष मतिना दु धयादिल ।

ज्याझ्वलय् क्षमा व म्हिगः म्हिता या कलाकार , प्राविधिक व ग्वाहालिमिपिन्त खादा न्येका सुभाय् देछागु खः। 

अथे  हे मूपाहाँ,विशेष पाहाँ व पाहाँ पिन्त मतिनाया चिं नं देछागु खः।

किपाः बिक्रम खडगी

Categorized in कला