2565 buddha Jayanti ADV

बालुवाटारं नागरिक न्ह्यलुवाःपिं ज्वन

नेवा: अनलाइन न्युज – ललेन्द्र शाक्य | २०७८ जेठ २८, शुक्रबार १२:३९:४४

बालुवाटारय् प्रदर्शनय् क्वाहाँ वःपिं नागरिक समाजया न्ह्यलुवाःपिन्त प्रहरीं नियन्त्रणय् काःगु दु ।

चिकित्सा शिक्षा आयोगय् राजनीतिक हस्तक्षेपा जूगु लिसेंया विषयस विरोध प्वंकूसें विरोधय् क्वाहाँ वःपिं नागरिक न्ह्यलुवाःपिन्त प्रहरीं हस्तक्षेप याःगु खः ।

खगेन्द्र संग्रौला, नारायण वाग्ले लिसेंया नागरिक न्ह्यलुवाःपिन्त प्रहरीं नियन्त्रणय् काःगु दु ।

नागरिक न्ह्यलुवाःपिन्सं ‘स्वास्थ्य सेवा खः व्यापार मखु, सरकार सेवक खः मालिक मखु, नीजि अस्पताल चायेकेत प्रधानमन्त्री वनीगु, सरकारी अस्पतालं ल्वगि पितनीगु’ लिसेंया नारा च्वयातःगु प्लेकार्ड ज्वनावःगु खः ।

सर्वोच्च अदालतया तकं निर्णय अःखः सरकारं मेडिकल कलेजयात सम्बन्धन बिइगु तयारी याःगु धासें नागरिक न्ह्यलुवाःपिन्सं विरोध प्वंकाः वयाच्वंगु दु ।

Categorized in राजनीति