city axpris 2

बालकुमारी घटना : मन्त्री ज्वालां बिल बयान

नेवा: अनलाइन न्युज – ललेन्द्र शाक्य | ने.सं. ११४४ पोहेलागा चःह्रे

निम्ह युवाया ज्यान वनेगु कथं यलया बालकुमारीइ जूगु घटनाया छानविन यायेत नीस्वंगु जाँचबुझ आयोगं भौतिक पूर्वाधार व यातायात मन्त्री प्रकाश ज्वालया बयान काःगु दु ।

मन्त्री ज्वालां छुं दिं न्ह्यः आयोगय् वयाः बयान ब्यूगु खः । उगु घटनाय् प्रहरीं बल छ्यलाः दैलेखया सुजन रावत व अछामया विरेनद्र शाहया ज्यान वंगु खः ।

कोरिया भाषा परीक्षा सम्बन्धी विवादय् परीक्षार्थीपिनसं आन्दोलन यानाच्वंगु खः । आन्दोलनया इलय् सुरक्षा संवेदनशीलतायात तकं ख्याल मयाःसे मन्त्री ज्वालां वहे लँपु छ्यःबलय् भीड उत्तेजित जूगु खः । वहे झ्वलय् आन्दोलनकारीपिन्सं मन्त्री ज्वाला च्वनावंगु गाडीतक च्याकाः ब्यूगु खः ।

उगु घटना जूगुलि मन्त्री ज्वालां उत्प्रेरक भूमिका म्हितूगु द्वपं लाःगु खः ।

प्रतिनिधिसभाया राज्य व्यवस्था व सुशासन समितिया बैठकय् गृहमन्त्री नारायणकाजी श्रेष्ठं मन्त्री ज्वाला थ्यनेधुंकाः घटनां उग्र रुप काःगु लिसः ब्यूगु खः ।

सरकारं उगु घटनाया छानविनया नितिं उच्च अदालत पाटनया पूर्व न्यायाधीश शेखर पौडेलया संयोजकत्वय् समिति दयेकूगु खः ।

Categorized in राजनीति