prabhu baink new

बादेय् गां कप ब्याडमिन्टनय् थौंनिसें सिनियर कासा न्ह्यात

नेवा: अनलाइन न्युज – ललेन्द्र शाक्य | २०७७ श्रावण १८, आइतबार १६:४२:१८

वंगु श्रावण १५ गते बिहिवाःनिसें किपू नगरपालिका ९ वडाय् लाःगु बादेय् गां क्लबया ग्वसालय् न्ह्याःगु बादेय् गां कप ब्याडमिन्टन कासाय् थौं आइतवाःनिसें सिनियर कासा न्ह्याःगु दु ।

लिगया आधारं म्हितूगु थौं आइतवाःया सिनियर कासाय् हरिकृष्ण श्रेष्ठ व हर्षमान महर्जनया जोडीलिसे गंगाराम महर्जन व सुरेश नकःमिया जोडी दथुइ भिडन्त जूगु खःसा उगु भिडन्तय् हरिकृष्ण श्रेष्ठ व हर्षमान महर्जनया जोडी विजयी जूगु खः ।

अथेहे, मेगु कासाय् विनेश श्रेष्ठ व विरेन्द्र श्रेष्ठया जोडीलिसे विनोद श्रेष्ठ व राजेश श्रेष्ठया जोडीदथुइ भिडन्त जूगु खःसा उगु भिडन्तय् विनेश श्रेष्ठ व विरेन्द्र श्रेष्ठया जोडी विजयी जूगु जानकारी ग्वसाः खलः बादेय् गां क्लबया दुजःलिसें कासाया रेफ्री सुविन श्रेष्ठं बियादीगु दु ।

Categorized in कासा