नेवा: अनलाइन न्युज – ललेन्द्र शाक्य | २०७७ आश्विन १३, मंगलबार ११:२६:०६

बलात्कारया घटनाय् छेँ दुनेया हे हाडनाता लाःम्ह व्यक्ति, आफन्तनिसें जलाखला व म्हस्यूपि. मनूत अप्वः दुथ्याःगु सीदूगु दु ।

नेपाल प्रहरीं पीडित व पीडकया नाताया आधारय् तयार याःगु तथ्यांकं बाज्यानिसें अबु (झट्केलो बुबा), ससःबु, कका, पाजु, तःरिबाः, म्हस्यूम्ह मनू व जलाखलालिसें पारपाचुके जुइधुंकूम्ह भाःत व म्हमस्यूपिं मनूतपाखें तकं मिसापिं असुरक्षित जूगु क्यंगु खः ।

आर्थिक दँ २०७६ व ०७७ या तथ्यांक कथं उगु आर्थिक दँय् देय् न्यंकं २ हजार ४ सय ४९ गू घटना जूगुलि म्हस्यूपिं मनूतपाखें हे ९ सय १५ अर्थात् दके अप्वः बलात्कारया घटना जूगु दु ।

अथेहे, जलाखलापाखें उगु आर्थिक दँय् ६ सय ७२ व म्हमस्यूपिं मनूतपाखें ४ सय ९७ गू बलात्कारया घटना जूगु दु ।

थ्वहे झ्वलय् बाज्यापाखें ६ गू, अबु (झट्केलो बुबा)पाखें ४७ गू, ससःबुपाखें ८ गू, मां व काय् दथुइ ३ गू, कका, पाजु, तरिबाःपाखें ४१ गू, दाजुकिजा कका, तःरिबाः व पाजुया काय्पाखें ३२ गू, देवर जेठाजुपाखें १३ गू व भाःतपाखें हे २६ गू बलात्कारया घटना जूगु तथ्यांकं क्यंगु दु ।

(थौं पिदंगु राजधानी न्हिपौपाखें)

Categorized in पत्रपत्रिका