swastha 3

बागलुङय् विषाक्त अयलाः त्वनाः प्यम्ह सित

नेवा: अनलाइन न्युज – ललेन्द्र शाक्य | २०७८ श्रावण ५, मंगलबार १०:४१:५९

बागलुङय् विषाक्त अयलाः त्वनाः प्यम्ह मनूत सीगु दुसा निम्ह तच्वकं विरामी जूगु दु ।

जिल्लाया गलकोट नगरपालिका ७ मल्मय् च्वंगु खानेपानी आयोजनाय् ज्या याइपिं मजदूरपिनिगु अयलाः त्वनाः ज्यान वंगु खः ।

सीपिं २१ दँया दीपेन्द्र पुन, ३९ दँया दूधबहादुर राना, ५१ दँया रेखबहादुर राना व ३० दँया प्रविन घर्ती जूगु जिल्ला प्रहरी ज्याकुथि बागलुङं जानकारी ब्यूगु दु । इमिगु धौलागिरी अस्पताल बागलुङय् वासः यायेगु झ्वलय् ज्यान वंगु खः ।

अयलाः त्वनाः तच्वकं विरामी जूपिं ३८ दँया खेमराज घती व २६ दँया रवीन्द्र पुनया धौलागिरी अस्पतालय् वासः जुयाच्वंगु दु ।

इमिसं सोमवाः स्थानीय अयलाः पसलय् लोकल अयलाः त्वंगु खः । अयलाः पसः संचालकयात प्रहरीं नियन्त्रणय् कयाः अनुसन्धान न्ह्याकाच्वंगु प्रहरीं जानकारी ब्यूगु दु ।

Categorized in दुर्घटना-अपराध