zero media family planning adv

बागलुङय् जीप दुर्घटना ः १४ म्ह सित

नेवा: अनलाइन न्युज | २०७६ मङ्सिर १७, मंगलबार १४:२५:२१

बागलुङया भीमगिठेय् जीप दुर्घटना जुयाः १४ म्ह मनूत सीगु दु । स्वम्ह घाःपाः जूगु दुसा छम्ह बेपत्ता जूगु दु ।

गुल्मीया इश्मा गाउँपालिकां कूल पूजाया नितिं गुल्मी वनाच्वंगु इलय् कार्की छेँजःपिं च्वनावंगु ग१ज ५२१९ ल्याःया जीप बागलुङया बडीगाड गाउँपालिका–७ य् च्वंगु सतकं थ्यंमथ्यं ५०० मिटर क्वय् खुसिइ कुतुंवंगु खः ।

दुर्घटनाय् ९ म्ह मिसा, ४ म्ह मिज व छम्ह मचाया घटनास्थय् हे ज्यान वंगु जिल्ला प्रहरी ज्याकुथि बागलुङया प्रहरी प्रमुख, प्रहरी उपरीक्षक (एसपी) नवराज भट्टराई नं जानकारी ब्यूगु दु ।

मेपिं स्वम्ह तच्वकं घाःपाः जूगु दुसा छम्ह खुसिं चुइकाः बेपत्ता जूगु एसपी भट्टराई नं जानकारी ब्यूगु दु ।

घाःपाः जूपिन्त प्राथमिक उपचारया नितिं उद्धार यानाः बुर्तिबाङ छ्वःगु दु । थप उपचारया नितिं येँय् हयेत हेलिकपटरया पहल जुयाच्वंगु प्रहरीं धाःगु दु ।

जीपय् १८ म्ह च्वनावंगु खः ।

छुं दिं न्ह्यः जक अर्घाखाँचीया सन्धिखर्कय् बस दुर्घटना जुयाः १९ म्ह मनूत सीगु खः ।

Categorized in दुर्घटना-अपराध