nepal investment baink

बागमती प्रदेश सरकारमा मन्त्री बज्राचार्ययात कारबाही यायेगुु ख्याच्वः

नेवा: अनलाइन न्युज – निश्चल | ने.सं. ११४४ चिल्लागा चौथी (२०८० चैत्र १६ गते) शुक्रवाः

हाम्रो नेपाली पार्टी (हानेपा) या सांसद शैलेन्द्रमान बज्राचार्य बागमती प्रदेश सरकारमा मन्त्री जुइवं उगु पार्टीइ विवाद जुगु दु । पार्टीया अध्यक्ष अनन्तराज घिमिरे पार्टीया निर्णय विपरीत बज्राचार्य सरकारय् सहभागी जुगु धासें कारबाही यायेगु ख्याच्वः ब्यूगु दु ।

मकवानपुरया हेटौंडाय्म्हिगः शुक्रवाःपत्रकार सम्मेलन यासें हाम्रो नेपाली पार्टीया अध्यक्ष घिमिरे बज्राचार्यया थथे कारबाही यायेगु ख्याच्वः ब्इूगु खः । वयकलं बज्राचार्ययात सत्तापक्ष ‘राजनीतिक अपहरण’ याःगु द्वपं ब्यूगु दु । 

बागमती प्रदेश सभाय् हाम्रो नेपाली पार्टी संसदीय दलका नेता बज्राचार्य बुधवाः सरकारय् सहभागी जुगु खः । उनलाई मुख्यमन्त्री शालिकराम जम्मकट्टेलं संस्कृति, पर्यटन व सहकारी मन्त्री नियुक्त याःगु खः ।

अध्यक्ष घिमिरेले धाःसा सरकारयात ब्यूगु समर्थन लित कायेगु व  प्रतिपक्षय् च्वनेगु पार्टीया निर्णय विपरीत बज्राचार्य ज्या याःगु द्वपं ब्यूगु दु । वयकलं मन्त्रीइ नियुक्त जुइ न्ह्यः पार्टी नाप गुगु नं कथंया सहलह मयाःगु शुक्रवाः सुतथय् तक नं स्वापू मदुगु अध्यक्ष घिमिरे जानकारी बियादिगु दु । बज्राचार्य धाःसा सपथ  नये धुंकाः पार्टीया सहलह कथं मन्त्री नियुक्त जुयाःगु खँ धाःगु दु ।

हाम्रो नेपाली पार्टइ जम्कट्टेल नेतृत्व सरकारयात बियातःगु समर्थन ९ चैत मंगलवाः लित काःगु खः। समर्थन लित काःगु छवा मथ्यनिबलय् बज्राचार्य मन्त्री जुगु खः । हाम्रो नेपाली पार्टीइ थ्वया न्ह्यः ४ चैतय् विज्ञप्ति पित बिसें मुख्यमन्त्रीइ दाबी याःगु खः ।

 

Categorized in राजनीति