kmc bidya

बागमती प्रदेश विरुद्ध नेवाः देय् दबूपाखें विरोध

नेवा: अनलाइन न्युज | २०७६ पौष २९, मंगलबार १२:४९:२७

नेवाः देय् दबू नं प्रेस वक्तव्य पिथंसें प्रदेश ३ या नां बागमती प्रदेश तःगुलिं विरोध याःगु दु ।

देय् दबूया मूछ्याञ्जे माईलाबाबु द्यःलां ल्हाःचिं तया पितब्यूगु उगु प्रेस विज्ञप्तिइ प्रदेश ३ या नामांकन यायेगु झ्वलय् तच्वकं अलोकतान्त्रिक व सुंलिसे सल्लाह हे मयाःसे नामांकन याःगु धासें नेवाः व तामाङ समुदायया आदिभूमि प्रदेश ३ या नां नेवाः ताम्सालिङ तयेमाथाय् पहिचान मदूगु नां बागमती तःगुलिं थ्व नांप्रति असहमति दूगु खँ न्ह्यथनातःगु दु ।

अथेहे, विज्ञप्तिइ बागमती नामांकन विरुद्ध निरन्तर रुपं आन्दोलन न्ह्याकेमाःगु खँ नं न्ह्यथनातःगु दु ।

Categorized in नेवाः