coved ad

बागमती प्रदेशया मुख्य न्यायाधिवक्ताय् श्याम श्रेष्ठ नियुक्त

नेवा: अनलाइन न्युज – ललेन्द्र शाक्य | २०७८ पौष २६, सोमबार १६:४५:३३

धादिङया श्याम श्रेष्ठ बागमती प्रदेशया मुख्य न्यायाधिवक्ताय् नियुक्त जूगु दु । सोमवाः उच्च अदालत पाटन इजलासया मुख्य न्यायाधीश नृपध्वज निरौलां श्रेष्ठयात सपथ नकूगु खः ।

बागमती प्रदेशया मुख्यमन्त्री राजेन्द्रप्रसाद पाण्डेया सिफारिसय् प्रदेश प्रमुख यादवचन्द्र शर्मां श्रेष्ठयात नियुक्त याःगु खः । प्रदेश प्रमुख यादवं संविधानया धारा १६० या उपधारा २ कथं मुख्य न्यायाधीवक्ता नियुक्त याःगु खः ।

अथेहे, मुख्य न्यायाधीश निरौलां मुख्य न्यायाधिवक्ताया ज्या कर्तव्य व अधिकार व सेवाया सर्त सम्बन्धी ऐन २०७५ या दफा १४ कथं मुख्य न्यायाधिवक्तायात सपथ नकूगु खः ।

Categorized in राजनीति