nepal investment baink

बागमती प्रदेशया मुख्यमन्त्री शालिकराम जम्कट्टेलं विश्वासया मत काल

नेवा: अनलाइन न्युज | ने.सं. ११४४ चिल्लागा सप्तमी (२०८० चैत्र १९ गते) सोमवाः

बागमती प्रदेशया मुख्यमन्त्री शालिकराम जम्कट्टेलं विश्वासया मत काःगु दु ।

थौं सोमवाः बागमती प्रदेश सभा बैठकं जम्कट्टेलं थःयात प्रदेश सभाया विश्वास दु धकाः तःगु प्रस्तावया पक्षय् ५६ म्हसिया मतदान याःगु खः ।

वयकःयात थःगु दल माओवादी केन्द्रया २१, नेकपा एमालेया २७, नेकपा एकीकृत समाजवादीका ७ व हाम्रो नेपाली पार्टीया छम्ह  सांसद विश्वासया मत ब्यूगु खः ।

नेपाली कांग्रेस व नेपाल मजदुर किसान पार्टी विपक्षमा मतदान याःगु खःसा  राप्रपा तटस्थ च्वंगु खः । थौया प्रदेश सभाय् १०८ म्ह सदस्य सहभागी जुगु खः । विश्वासया मतया विपक्षय् ३७ मत लाःगु दसा १५ सांसद तटस्थ च्वंगु दु ।

२५ पुस २०७९ य् मुख्यमन्त्री नियुक्त जुम्ह जम्कट्टेलं सोमवाः निक्वःगु पटक विश्वासया मत काःगु दु । न्हापांगु पटक ३ माघ २०७९ य् विश्वासया मत  काःगु खः ।

Categorized in राष्ट्रिय