nepal investment baink

बागमती प्रदेशया मुख्यमन्त्री जम्मरकट्टेलं चैत्र १९ गते विश्वासया मत काइगु

नेवा: अनलाइन न्युज – ललेन्द्र शाक्य | ने.सं. ११४४ चिल्लागा चौथी (२०८० चैत्र १६ गते) शुक्रवाः

बागमती प्रदेशया मुख्यमन्त्री शालिकराम जम्मरकट्टेलं चैत्र १९ गते विश्वासया मत काइगु जूगु दु ।

थौं शुक्रवाः मुख्यमन्त्रीया दल नेकपा माओवादी केन्द्रया सचेतक रत्नप्रसाद ढकालं जम्मरकट्टेलं विश्वासया मत काइगु सम्बन्धी प्रस्ताव प्रदेशसभा सचिवालयस दर्ता याःगु खः ।

फागुन २३ गते नेपाली कांग्रेसं सरकारपाखें पिहाँ वसें समर्थन लितकाःगु खः ।

सरकारय् सहभागी दलं समर्थन लितकाःसा लच्छिया दुने विश्वासया मत कायेमाःगु संवैधानिक प्रावधान कथं मुख्यमन्त्री शालिकराम जम्मरकट्टेलं चैत्र २२ गते दुने विश्वासया मत कायेमालीगु जूगु दु ।

११० म्ह दुजःया प्रदेशसभाय् जम्मरकट्टेलं ५६ मत मुंकूसा व मुख्यमन्त्रीइ कायम जुइ । बिहिवाः नेकपा एमाले, माओवादी केन्द्र, एकीकृत समाजवादी व हाम्रो नेपाली पार्टी दथुइ सहमति जुइधुंकाः मुख्यमन्त्रीं आवश्यक बहुमत मुंकूगु दु ।

बागमती प्रदेशय् एमालेया २७, माओवादी केन्द्रया २१, एकीकृत समाजवादीया ७ व हाम्रोनेपाली पार्टीया २ सिट दु ।

Categorized in राजनीति