Header Nepal rastra bank Adv

बाँकेय् कोरोना संक्रमित मिसा सित

नेवा: अनलाइन न्युज – ललेन्द्र शाक्य | २०७८ माघ ११, मंगलबार १०:५५:५७

बाँकेया नेपालगञ्जय् छम्ह कोरोना संक्रमित सीगु दु । नेपालगञ्ज उपमहानगरपालिका २ या ७० दँया मिसा मंगलवाः सुथय् ७ः५० ता इलय् सीगु स्वास्थ्य ज्याकुथि बाँकें जानकारी ब्यूगु दु ।

माघ ८ गते नेपालगञ्ज मेडिकल कलेज कोहलपुरय् याःगु पीसीआर परीक्षण रिपोर्ट पोजेटिभ वयेधुंकाः उम्ह मिसायात कन्हय् कुन्हु भेरी अस्पतालय् वासः यायेगु नितिं भर्ना याःगु खः ।

उम्ह मिसा सीधुंकाः कोरोना संक्रमणपाखें बाँके जिल्लाय् सीपिनिगु ल्याः ३४६ म्ह थ्यंगु दु ।

Categorized in स्थानिय-समाज