2565 buddha Jayanti ADV

बाँकेय् कोरोना संक्रमणं प्यम्ह सित

नेवा: अनलाइन न्युज – ललेन्द्र शाक्य | २०७८ जेठ २८, शुक्रबार १३:२८:१०

बाँकेय् कोरोना भाइरस कोभिड १९ संक्रमणपाखें थप प्यम्ह मनूत सीगु दु ।

बाँकेया कोरोना फोकल पर्सन तेज ओलीया कथं दाङया निम्ह, बाँके व दैलेखया छम्ह छम्ह यानाः प्यम्ह मनूत सीगु खः ।

दाङया घोराही ७ या ४२ दँया मिसा नेपालगञ्ज मेडिकल कलेजय् बिहिवाः सनिलया ७ ता इलय् व राजपुर गाउँपालिका १ या ७७ दँया मिजं भेरी अस्पतालय् बिहिवाः बहनी ९ ता इलय् सीगु ओलीं जानकारी ब्यूगु दु । सीपिं ४२ दँया मिसा जेठ ११ गते व ७७ दँया मिजं जेठ १८ गते संक्रमण पुष्टि जूपिं खः ।

बाँकेया खजुरा गाउँपालिका ३ या ८० दँया मिजं बिहिवाः बहनी १०ः३० ता इलय् व दैलेखया भैरवी गाउँपालिका ७ या ६९ दँया मिजं शुक्रवाः सुथय् १०ः४५ ता इलय् भेरी अस्पतालय् सीगु ओलीं जानकारी ब्यूगु दु । सीपिं ८० दँया मिजं जेठ १८ गते व ६९ दँया मिजं जेठ २४ गते कोरोना संक्रमण पुष्टि जूपिं खः ।

Categorized in राष्ट्रिय