coved ad

बसं ठक्कर नकाः देउसीभैलो म्हितेत वंपिं निम्ह सित, प्यम्ह घाःपाः

नेवा: अनलाइन न्युज – ललेन्द्र शाक्य | २०७८ कार्तिक २१, आइतबार १०:५०:०९

देउसीभैलो समूहयात ठक्कर नकेधुंकाः बसः च्याकाबिल

मकवानपुर पूर्वपश्चिम राजमार्ग अन्तर्गत हेटौंडा उपमहानगरपालिका १९ नेवारपानी लिक्कया सतकखण्डय् शनिवाः बहनी यात्रुवाहक बसं न्यासि वनाच्वंपिं मनूतय्त ठक्कर नकाः निम्ह मनू सीगु व मेपिं प्यम्ह घाःपाः जूगु दु ।

सीपिं हेटौंडा १९ नेवारपानीया २० दँया सुरज विष्ट व चितवन पिप्लेया ३४ दँया प्रेमबहादुर सिंह ठकुरी जूगु जिल्ला प्रहरी ज्याकुथिया प्रहरी नायव उपरीक्षक जयश्वर रिमालं जानकारी ब्यूगु दु ।

रौतहटया गौरपाखें हेटौंडा जुयाः नारायणगढपाखे वनाच्वंगु बागमती प्रदेश ०३–००१ख०९३६ ल्याःया बसं देउसीभैलो म्हितेत न्यासि वनाच्वंपिन्त ठक्कर नकूखः ।

अथेहे, बसया ठक्करपाखें संगम नेपाली, निशा मोक्तान, तुलसा विष्ट व लक्ष्मी गुरुङ घाःपाः जूगु व इमिगु हेटौंडा व भरतपुर अस्पतालय् वासः जुयाच्वंगु प्रनाउ रिमालं धाःगु दु ।

ठक्कर नकूगु बसय् स्थानीयपिन्सं मिँ तयाः बस पूर्ण रुपं ध्वस्त याःगु दु । उगु बसया चालक बिस्युं वनाच्वंगु व वया मालेगु ज्या जुयाच्वंगु लिसें घटनाबारे थप अनुसन्धान जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध