Mohanai 2078 KTM

बलिउड संकिपा ‘उचाइँ’ दुने परमितालिसें नेपाःया कलाकारपिं लुक्लाय्

नेवा: अनलाइन न्युज – ललेन्द्र शाक्य | २०७८ आश्विन २२, शुक्रबार ११:४०:५०

बलिउड संकिपा ‘उचाइँ’या टिम आः नेपालय् दु । संकिपा सुटिङ्गया नितिं अभिनेता अनुपम खेर, अभिनेत्री परिणीति चोपडालिसेंया टोली लुक्लाय् थ्यंकूगु दु ।

नांजाःम्ह निर्देशक सुरज बडजात्यां निर्देशन यानाच्वंगु उगु संकिपा ‘उचाइँ’ दुने नेपाःया कलाकारपिं नं दुथ्याःगु दु । संकिपाय् नेपाःया अभिनेत्री परमिता राणा, सरोज लामिछाने, डम्बर बोहरा, निरज मोक्तान, नारायण विक, सरोज प्रजु लिसेंया कलाकारपिनिगु अभिनय दुथ्याःगु दु ।

बलिउडया कलाकारपिंलिसें नेपाःया कलाकारपिं नं संकिपा सुटिङ्गया नितिं लुक्ला थ्यंकूगु खः । परमिता राण्नां इन्स्टाग्रामय् संकिपाया सुटिङ्गया नितिं लुक्ला वनेत्यंगु छपाः किपाः लिसें जानकारी ब्यूगु खः ।

‘चपली हाइट २’ पाखें संकिपाय् दुहाँ वःम्ह परमिता राणां ‘चंगा चेट’ व ‘रोज’ संकिपाय् दुग्यंगु अभिनय याःगु खः । वं थ्वसिबें न्ह्यः तेलुगु संकिपाय् ल्हाःचिं तःगु खः । तर, बलिउड संकिपाय् धाःसा परमितां न्हापांगुखुसि ज्या यायेत्यंगु खः ।

नेपालय् थ्यंमथ्यं ४० न्हु संकिपा सुटिङ्ग याइगु उगु ‘उचाइँ’ संकिपाय् बलिउडया महानायक अमिताभ बच्चन, अनुपम खेर, परिणिती चोपडा, सारिका हसन लिसेंया कलाकारपिनिगु अभिनय स्वकुमिपिन्सं स्वयेखनीगु जूगु दु ।

Categorized in कला