Header Nepal rastra bank Adv

बलिउड म्येहालामि केकेया कन्सर्टय् एसीं ज्या मयाःगु खुलासा

नेवा: अनलाइन न्युज – ललेन्द्र शाक्य | २०७९ जेठ २०, शुक्रबार १४:३४:१७

बलिउड म्येहालामि कृष्णकुमार कुननााथ (केके)या मृत्यु प्रकरणय् न्हूगु खुलासा जूगु दु । केकेया ज्याझ्वलय् अडिटोरियमया एसीं ज्या मयाःगु व क्षमतासिबें अप्वः भीड जूगु शोया ग्वसाः खलकं स्वीकार याःगु दु ।

मे ३१ स जूगु उगु ज्याझ्वः कोलकोत्ताया इभेन्ट म्यानेजमेन्ट कम्पनी ब्ल्याक आई इभेन्ट हाउसं ग्वसाः ग्वःगु खः । गुरुदास कलेजया विद्यार्थी संगठन अखिल भारतीय तृणमूल छात्र परिषदं कम्पनीलिसे जानाः सकतां ज्याझ्वःया व्यवस्था याःगु खः ।

इन्डिया टुडेलिसेया खँल्हाबल्हास विद्यार्थी युनियनया नायः सुमन होरें धाःगु दु, ‘जिमिसं कलेजया विद्यार्थीपिन्त जक पास बियागु खः । प्रत्यक प्रोटोकल पालना याना । कोलकोत्ता पुलिसपाखें नं अनुमति कयागु खः । घटनास्थलय् ३०–३५ बाउन्सर, प्रहरी व एम्बुलेन्स नं दूगु खः । कलेजया थ्यंमथ्यं ३५०० म्ह विद्यार्थीपिन्त पास बियागु खः । व ज्याझ्वः स्वयेत थ्यंमथ्यं ५ हजार मनूत वःगु खः ।’

जिमिसं मसिल उपिं मनूत गनं वःगु खः । मनूत प्रवेशद्वारं तिंन्हुया वल । जिमि स्वयंसेवकपिन्सं भीडयात पनेत स्वल, तर इपिं असफल जुलल । तर, केकें शोया झ्वलय् छुं नं  कथंया समस्याया गुनासो मयाःगु खः ।

Categorized in अन्तर्राष्ट्रिय