zero media family planning adv

बलात्कारी विद्यार्थी नेता राईयात च्यादँ कैद, पीडितयात डेढ लख क्षतिपूर्ति

नेवा: अनलाइन न्युज | २०७६ फाल्गुण ३०, शुक्रबार १६:४७:०६

सत्तारुढ नेकपा लिक्क लाःगु विद्यार्थी संगठन अनेरास्वबियूया निवर्तमान केन्द्रीय दुजः इन्द्रहाङ राईयात बलात्कार सम्बन्धी कसूरय् अदालतं च्यादँत्याः कैद सजाय न्यंकूगु दु ।

जिल्ला अदालत येँया न्यायाधीश विनोदकुमार पोखरेलया इजलासं बिहिवाः कैद सजाय लिसें १ लख ५० हजार तका दां क्षतिपूर्ति पीडितयात बिइमाःगु कथं फैसला याःगु खः ।

अदालतया श्रेस्तेदार आनन्द श्रेष्ठं इजलासं राईविरुद्धया अभियोग दाबी गाक्व ठहर याःगु जानकारी ब्यूगु दु । रत्नराज्यलक्ष्मी क्याम्पसया स्ववियू नेता राई नं किजापूजाया छन्हु न्ह्यः कार्तिक ११ गते थःहे पासाया केहेँयात बलात्कार याःगु उजुरी प्रहरीइ लाःगु खः ।

बलात्कारी राई नं देउसीभैलो म्हितेत वाः धकाः सःतूगु व मोटरसाइकलय् तयाः माकलबारीइ च्वंगु थःथितिया डेराय् यंकाः बलात्कार याःगु पीडितया धापू खः ।

Categorized in दुर्घटना-अपराध