2565 buddha Jayanti ADV

बरिष्ठ संगीतकःमि दीप श्रेष्ठ अस्पतालं डिस्चार्ज

नेवा: अनलाइन न्युज – ललेन्द्र शाक्य | २०७८ जेठ २८, शुक्रबार १०:३२:४४

बरिष्ठ गायक दीप श्रेष्ठ १६ न्हुलिपा अस्पतालं डिस्चार्ज जूगु दु । कोरोना संक्रमण पुष्टि जूगु छुं दिं लिपा म्हगलय् अक्सिजनया मात्रा म्हो जुइधुंकाः गायक श्रेष्ठ ह्याम्स अस्पताल भर्ना जूगु खः ।

अस्पतालय् निवाःतक आईसीयूस अक्सिजनया ग्वाहालिं च्वंम्ह गायक श्रेष्ठया स्वास्थ्यय् सुधार वयेधुंकाः मंगलवाः जक श्रेष्ठयात आइसीयूपाखें क्याबिनय् सारेयाःगु खः ।

‘द भ्वाईस अफ नेपाल’ निर्देशक लक्ष्मण पौडेलं स्वास्थ्य अवस्था सामान्य जुइधुंकाः गायक श्रेष्ठयात अस्पतालं मंगलवाः न्हिनय् डिस्चार्ज याःगु जानकारी ब्यूगु दु ।

निर्देशक पौडेलं धाःगु दु, ‘गायक श्रेष्ठ स्वस्थ जुयादीगु दु । आः छेँय् हे च्वने जिइधुंकाः अस्पतालं मंगलवाः न्हिनय् डिस्चार्ज याःगु खः । आः छुं दिं छेँय् हे आइसोलेसनय् च्वनादी ।’

डिस्चार्ज जुइन्ह्यः गायक श्रेष्ठया हाकनं कोरोना परीक्षण याःगु खः । उकिया रिपोर्ट धाःसा वःगु मदुनि । बरिष्ठ संगीतकःमि दीप श्रेष्ठ ‘भ्वाईस अफ नेपाल’या न्हापांगु संस्करणनिसें हे निर्णायकया रुपं च्वनाः वयाच्वनादीम्ह खः ।

Categorized in कला