Header Nepal rastra bank Adv

बग्दादय् च्वंगु अमेरिकी दूतावास परिसरय् रकेट आक्रमण

नेवा: अनलाइन न्युज – ललेन्द्र शाक्य | २०७८ पौष ३०, शुक्रबार १५:३१:५९

इराकया बग्दादय् च्वंगु अमेरिकी दूतावासयात बिहिवाः संदिग्ध आतंकवादी पुचलं लक्षित यानाः रकेट आक्रमण याःगु दु । रकेट आक्रमणय् छम्ह मिसा व छम्ह ल्यासेम्ह मिसा घाःपाः जूगु दु ।

दूतावासं ट्विटरय् धाःगु दु, ‘थौं सनिलय् अमेरिकी दूतावास परिसरय् इराकया सुरक्षा, सार्वभौमसत्ता व अन्तर्राष्ट्रिय स्वापूयात कमजोर यायेगु कुतः याःगु आतंकवादी पुचलं आक्रमण याःगु खः, स्पुतनिक न्यूजं रिपोर्ट याःगु दु ।’

थ्व बाहेक, इराक सुरक्षा बलं धाःसा कि रकेटत बग्दादया दक्षिणी क्षेत्रपाखें प्रहार याःगु व तथाकथित ग्रीन जोनयात निशाना दयेकूगु खः, गुगु कूटनीतिक नियोग प्रशासनिक भवनत, व अमेरिकी दूतावासलिसें मेमेगु दूतावासत लाःगु क्षेत्र खः ।

अमेरिकी दूतावासयात नियमित रुपं इराक व सिरियाय् आक्रमणया श्रृंखलाय् मिसाइलपाखें निशाना दयेकूगु दु गुकी इराकया ऐन अल–असद एयरबेस व सिरियाया ग्रीन भिलेज बेस लिक्क हे अप्रत्यक्ष रकेट आक्रमणत जुइगु जुयाच्वंगु दु ।

इरानया इस्लामिक रिभोलुसनरी गार्ड कोर्पसया कुलीन कुड्स फोर्सया कमाण्डर कामिम सुलेमानीया हत्याया निगूगु वर्षगाँठ न्ह्यः व लिपा आः आक्रमणत तीव्र याःगु दु ।

Categorized in अन्तर्राष्ट्रिय