1142 nhoo dan adv

बंगलादेशया पूर्व प्रधानन्यायाधीश सिन्हायात ११ दँ जेल सजाय

नेवा: अनलाइन न्युज – ललेन्द्र शाक्य | २०७८ कार्तिक २४, बुधबार १३:२६:३६

बंगलादेशया पूर्व प्रधानन्यायाधीश सुरेन्द्रकुमार सिन्हायात भ्रष्टाचारया द्वपनय् ११ दँया जेल सजायँया फैसला याःगु दु ।

७० दँया पूर्व प्रधानन्यायाधीश सिन्हायात सम्पत्ति शुद्धीकरण सम्बन्धी मुद्दाय् ७ दँ व विश्वासघात सम्बन्धी मुद्दाय् ४ दँ यानाः मुक्कं ११ दँया जेल सजायँ न्यंकूगु खः ।

७० वर्षीय पूर्वप्रधानन्यायाधीश सिन्हालाई सम्पत्ति शुद्धीकरण सम्बन्धी मुद्दामा सात वर्ष र विश्वासघात सम्बन्धी मुद्दामा चार वर्ष गरी जम्मा ११ वर्षको जेल सजायँ सुनाइएको हो ।

सिन्हां तत्कालीन फार्मर्स बैैंक (आः पद्म बैंक) पाखें ४ लख ७० हजार अमेरिकी डलर ऋण काःगु खः । वधुंकाः वं उगु रकम नगद, चेक व पे–अर्डरपाखें निगूगु खाताय् सारेयाःगु द्वपं दु । थथे यायेगु बंगलादेशया भ्रष्टाचार रोकथाम सम्बन्धी कानून कथं दण्डनीय कथं कयातःगु दु ।

भ्रष्टाचार सम्बन्धी थ्वहे प्रकरणय् लाःपिं १० म्हमध्ये मोहम्मद शाहजाँ व निरञ्जन चन्द्र साहयात धाःसा अदालतं सफाइ ब्यूगु दु ।

पूर्व प्रधानन्यायाधीश सिन्हालिसें मेमेपिन्त धाःसा ब्यागलं ब्यागलं जरिवाना व जेल सजायँया फैसला अदालतं याःगु दु ।

भ्रष्टाचारया द्वपं लायेधुंकाः सिन्हां ४ दँ न्ह्यः विदेश भ्रमणया झ्वलय् प्रधानन्यायाधीश पदपाखें राजीनामा ब्यूगु खः । अयसां वं बंगलादेशया ‘अलोकतान्त्रिक’ व ‘निरंकुश’ शासनया विरोध याःगुलिं थःत राजीनामा बिइत बाध्य याकूगु दाबी यानाः वयाच्वंगु दु ।

सिन्हा आः अमेरिकाय् च्वनाः वयाच्वंगु दु । वया अनुपस्थितिइ अदालतं जेल सजायँ न्यंकूगु खः ।

सिन्हा बंगलादेशय् अल्पसंख्यक हिन्दू समुदायपाखें न्हापांगुखुसि प्रधानन्यायाधीश जूम्ह खः । सिन्हा बंगलादेशया २१ औं प्रधानन्यायाधीश खः ।

Categorized in अन्तर्राष्ट्रिय