Header Nepal rastra bank Adv

बँपसः चिइकाः वहे थासय् खुल्लेआम पार्किङ

नेवा: अनलाइन न्युज – ललेन्द्र शाक्य | २०७९ श्रावण १५, आइतबार १४:४०:५२

बँपसः चिइकाः येँ महानगरपालिकां वहे थासय् खुल्लेआम पार्किङ याकेबियाः कमेयाकेगुज्या याःगु दु ।

येँया सतक चीब्या जुइधुंकाः बँपसः चिइकाः येँ महानगरपालिकाया थीथी लागाया आपालंतब्यागु लँपु पार्किङस्थलय् ह्यूगु दु ।

मेयर बालेन साह नं न्हूबानेश्वर लागा् थ्यंकाः बँपसः तयेगुलि प्रतिबन्ध तःसां नं नापंच्वंगु लँपुइ पार्किङ धन्दा पनेफूगु मदुनि । महानगरं स्मार्ट पार्किङया नामय् ठेक्का बियाः लखौं तका दां कमेयानाच्वंगु दु ।

स्मार्ट पार्किङ शुल्कया नामय् प्रतिघण्टाया ल्याखं तःधंगु रकम मुंकेगु ज्या यानाच्वंगु दु । येँ महानगरपालिकाया प्रहरी प्रमुख धनपति सापकोटां न्युरोडया बच्छि दर्जन व दरबारमार्ग लागाय् स्मार्ट पार्किङ न्ह्याकाः वयाच्वंगु धाःगु दु ।

येँ महानगरपालिकां सार्वजनि नीजि व साझेदारी ज्याझ्वः अन्तर्गत न्युरोड लागाया धर्मपथ, शुक्रपथ, पाको, खिचापुखू, प्यूखा व दरबारमार्ग लागाय् सःशुल्क पार्किङ न्ह्याकूगु दु ।

स्मार्ट पार्किङया नामय् ठेकेदखार कम्पनींन्हिथं लखौं तका दां आम्दानी यानाच्वंगु दु ।

महानरं सर्वसाधारणया दकलेअप्वः भीड जुइगु लागा न्युरोड व दरबारमार्गय् पार्किङ ठेक्का ब्यूगु खः ।

आः पुतली सतक, बागबजार, बानेश्वर, कोटेश्वर, न्युरोन, असं, बालाजु, महाराजगञ्ज लिसेंया दर्जनौं थासय् लँपुइ हे पार्किङ जुयाच्वंगु दु ।

Categorized in बजाः