Header Nepal rastra bank Adv

फ्रान्सयात बुकाः जर्मनी मिसा युरोया फाइनलय्

नेवा: अनलाइन न्युज – ललेन्द्र शाक्य | २०७९ श्रावण १३, शुक्रबार १२:१६:४६

फ्रान्सयात २–१ गोलअन्तरं बुकाः जर्मनी मिसा युरो च्याम्पियनसिप २०२२ या फाइनलय् दुहाँ वंगु दु । आः, जर्मनीं उपाधिया नितिं स्वीडेनयात बुकाः फाइनलय् थ्यंकूगु इंग्ल्याण्डलिसेधेंधेंबल्ला याइगु जूगु दु ।

बुधवाः चान्हय् न्हापांगु हाफय् १–१ गोलस्थितिइ क्वचाःबलय् निगूगु हाफय् जर्मनीं विजयी गोल याःगु खः । एलेक्जान्ड्रा पोपं कासाया ४० औं मिनेटय् गोल यासें जर्मनीयात अग्रता बिइत ताःलाःगु खः ।

न्हापांगु हाफ क्वचायेत छगू मिनेट न्ह्यः जर्मनीया हे मेर्ली फ्रो हमसं आत्मघाती गोल याःबलय् फ्रान्स १–१ गोलया अवस्थाय् थ्यंगु खः ।

७६ औं मिनेटय् पोपं निगूगु गोल यासें जर्मनीया जित सुनिश्चित याःगु खः ।

जर्मनीं च्याक्वःतक युरो त्याकूगु दुसा इंग्ल्याण्ड न्हापांगु उपाधिया लकसय् दु ।

Categorized in कासा