nepal investment baink

फेसबुकय् क्याण्डिक्रसया रिक्वेष्ट वयाः हैरान जूसा थथे यानादिसँ

२०७२ जेठ ६, बुधबार १२:४६:२९

फेसबुकय् क्याण्डिक्रसया नोटिफिकेशन वयाः हैरान जुयाच्वनादीगु दु ला ? अथे खःसा धन्दा कयादीम्वाःल, आः थथे फेसबुकय् क्याण्डीक्रशया नोटिफिकेशन मवयेकेत फेसबुकं थुज्वःगु रिक्वेष्ट व रिमाइण्डरयात ब्लक यायेजीका ब्यूगु दु ।

फेसबुकया प्रयोगकर्तातय्सं आपालं क्याण्डी क्रसया नोटिफिकेशनं हैरान जूगु गुनासो यायेवं फेसबुकं थुज्वःगु ब्लकया विकास यायेगु खः । थुकिं फेसबुक चलेयाइपिंसं ल्यत्तुल्ययाः अथे नोटिफिकेशन छ्वइपिनिगु रिक्वेष्ट व रिमाइण्डर ब्लक यायेफइ ।

थुकिया निंतिं फेसबुक चलेयाइपिंसं थःगु फेसबुक खाताया सेटिङय् वनेमाः । अन ‘ब्लकिङ’ धाःथाय् क्लिक यानाः ‘ब्लक अप इनभाइट्स’ क्लिक यायेमाः । थुकिइ उज्वःगु रिक्वेष्ट छ्वयाहइपिं पासापिनि नां टाइप यानाबीमाः । अनं लिपा उमिसं छ्वयाहइगु थुज्वःगु रिक्वेष्टं छितः दिक्क याइमखु ।