Header Nepal rastra bank Adv

फेसबुकं बीफइला ड्रोन जहाजपाखें इन्टरनेट !

नेवा: अनलाइन न्युज | २०७१ चैत्र १७, मंगलबार ०९:३६:४०

सूर्य ऊर्जापाखें ब्वइगु ड्रोन जहाजपाखें इन्टरनेटया सुविधा बीगु निंतिं फेसबुकं आपालं प्रयोग न्ह्याकाच्वंगु दु ।

फेसबुकया मुख्य कार्यकारी व संस्थापक मार्क जुकरबर्गया धापूयात न्ह्यथँसें ‘गार्डियन’ समाचारपत्रया च्वःगु दु कि इंग्ल्याण्डय् जुयाच्वंगु थुज्वःगु प्रयोग ताःलात धाःसा ड्रोन जहाजयात छ्यलाः ग्रामीण व सुदूर थासय् नं इन्टरनेट सुविधा बीफइ । थुज्वःगु ड्रोन जहाजंं लेजर किरणपाखें इन्टरनेटया तरंग जमिनय् छ्वइगु खः ।

जुकरबर्गं छगू ब्लग पोष्ट यासें धाःगु दु कि ‘हलिंन्यंकं इन्टरनेट न्यंकेगु निंतिं मानवरहित थुज्वःगु ड्रोन जहाज दयेकेज्या जूगु खः गुकिं सर्गःपाखें इन्टरनेटया किरण त्वःती ।’

जुकरबर्गया कथं इंग्ल्याण्डया थुकिया सफल परीक्षण क्वचाये धुंकूगु दु ।

थुज्वःगु ड्रोन जहाजया पपु २९ मिटरसिबें ताःहाकः जुइ गुगु छगः बोइङ्ग जहाजसिबें आपाः खः । तर थुकिया ग्यसु धाःसा तसकं म्हो जक जुइ ।

फेसबुक जक मखु गुगलं नं बेलुन व ड्रोन जहाजया ग्वाहालिं इन्टरनेट इनेगु निंतिं ज्या न्ह्याकाच्वंगु दु ।