1142 nhoo dan adv

फेसबुकं पनी ला आत्महत्या !

२०७१ चैत्र १७, मंगलबार ००:५२:३०

सामाजिक संजालया साइट फेसबुकं आत्महत्या यायेगु बिचाः यानाच्वंपिं छ्यलामिपिन्त ग्वाहालि जुइकथंया टूल छ्यलाय् हःगु दु । 

अमेरिकाय् न्ह्याकेधुंकूगु थुगु टूलयात मानसिक चिकित्सकतय्सं तसकं च्वछाःगु दु । थुकियात आः अष्ट्रेलियाय् नं न्ह्याकेत्यंगु घोषणा फेसबुकया छम्ह अधिकारीं याःगु दु ।

‘ब्रिस्बेन टाइम्स’या कथं थुगु टूलपाखें छ्यलामिपिंसं चिन्ताजनक पोष्टबारे रिपोर्ट याइ । थुगु चिन्ताजनक पोष्टयात फेसबुकं समीक्षा याइ अले पोष्ट दुथ्याकूम्ह छ्यलामियात सल्लाह बी, ग्वाहालि बी लिसें सु मनोचिकित्सक नापलाःसा ज्यू उकिया जानकारी नं बी ।

आःतक विकसित देय्या निंतिं थुज्वःगु टूल सार्वजनिक यानाच्वंगु फेसबुकं नेपाल थेंज्वःगु विकासशील देय्या निंतिं नं थुज्वःगु टूल गुबले सार्वजनिक याइ, स्वये ल्यं हे दनि ।