zero media family planning adv

फुटबल स्वयेत रंगशालाय् प्रम ओली, कासामिपिन्त हःपाः बिइत थात ताली

नेवा: अनलाइन न्युज – ललेन्द्र शाक्य | २०७७ चैत्र १७, मंगलबार ०९:२२:२५

नेपाः व बंगलादेश दथुया फाइनल कासा स्वयेत प्रधानमन्त्री केपी शर्मा ओली दशरथ रंगशाला थ्यंकूगु खः । प्रधानमन्त्री ओली कासा सुरु जुइन्ह्यः हे रंगशाला दुहाँ वंगु खः । ओलीया लिसें परराष्ट्रमन्त्री प्रदीपकुमार ज्ञवाली, पूर्वसभामुख सुवासचन्द्र नेम्वांग, युवा तथा खेलकूदमन्त्री दावा लामा तामांग, राष्ट्रिय खेलकूद परिषदया सदस्य सचिव रमेशकुमार सिलवाल लिसेलिसें थीथी व्यक्तित्वपिं रंगशाला थ्यंकूगु खः ।

नेपाःया पाखें निगू गोल जूबलय् प्रधानमन्त्री ओलीं दनाः लापा थासें कासामिपिन्त हःपाः ब्यूगु खः । प्रधानमन्त्री ओलीं कासा ज्वःछि रंगशालाय् च्वनाः कासामिपिन्त हःपाः बियाच्वंगु लिसें विजेता व उपविजेता कासामि, प्रशिक्षक, रेफ्री, कासा पदाधिकारीपिन्त ट्रफी लःल्हासें सम्मान याःगु खः ।

कासाय् नेपाः वंगलादेशं थःगु सिनियर राष्ट्रिय पुचःयात मैदायन् क्वकाःसां नं किर्गिस्तानं धाःसा युथ २३ पुचःयात कासाय् दुथ्याकूगु खः ।

Categorized in कासा