नेवा: अनलाइन न्युज – ललेन्द्र शाक्य | २०७७ मङ्सिर ११, बिहिबार १२:५९:३७

अर्जेन्टिनाया हलिमय् बय् बय् जूम्ह फुटबल जादुगर डिएगो म्याराडोना ६० दँया उमेरय् मन्त ।

बीबीसीया कथं नोभेम्बरया न्हापांगु वा ब्रेन ब्लड क्लोटया सुथांलाक्क अपरेशन याःम्ह म्याराडोना म्हिगः बुधवाः मदुगु खः ।

अर्जेन्टिनाया पुलांम्ह मिडफिल्डर लिसें प्रबन्धक तकं जुयाच्वंम्ह म्याराडोनाया अल्कोहल डिपेन्डेन्सी सम्बन्धी समस्याया वासः यायेगु तयारी याःगु खः ।

म्याराडोना थःगु खेलाडी जीवन ज्वःछि सर्वश्रेष्ठ खेलाडीया रुपं म्हस्यूम्ह खः । म्याराडोना कप्तना जूगु इलय् अर्जेन्टिनां सन् १९८६ स वर्ल्ड कप त्याकूगु खः । गुकिं यानाः म्याराडोनायात उत्कृष्ट खेलाडीया रुपं हलिंन्यंकं म्हसीकेत ग्वाहालि यात ।

म्याराडोनां थःगु क्लब क्यारियरय् बार्सिलोना व नेपोलीया नितिं जक म्हितूगु खः ।

Categorized in कासा