nepal investment baink

फुटपाथ व्यवसायी व नगर प्रहरीदथुइ ल्वापु

नेवा: अनलाइन न्युज – ललेन्द्र शाक्य | ने.सं. ११४४ सिल्लागा पंचमी

येँया लुँहिति (सुन्धाराय्) फुटपाथ व्यवसायी व नगर प्रहरीदथुइ ल्वापु जूगु दु ।

फुटपाथ व्यवसाय चिइकूगु येँ महानगरपालिकां लिपांगु इलय् बहनी ९ ता ईलिपा तयेके बिइगु धाःगु दु । तर सनिलया ७ ता ई लिपा हे फुटपाथय् व्यवसाय यायेगु ज्या न्ह्याकूगु धासें बुधवाः सनिलय् नगर प्रहरीं व्यवसायीपिन्त चिइकूगु खः ।

वहे झ्वलय् लुँहिति लागाय् ल्वापु जूगु खः । नगर प्रहरीपिन्सं गुलिंसित ज्वंगु या लिसें लाठी चार्ज यायेधुंकाः व्यवसायीपिन्सं प्रतिकार याःगु खः ।

फुटपाथ व्यवसायी कुमार सापकोटां धाःगु दु, ‘नगर प्रहरीं आकाझाकां बल छ्यलाः दुःख बिल । जिमि स्वम्ह प्यम्ह पासापिन्त ज्वनाः यंकूगु दु ।’

नगर प्रहरी प्रमुख राजु पाण्डें धाःसा नगर प्रहरीयात ढुंगामुढा यायेधुंकाः जिमिसं प्रतिकार यानागु धाःगु दु । वया कथं नगर प्रहरी उपरीक्षक मनोज लामिछानेलिसें न्हयम्ह घाःपाः जूगु दु ।

Categorized in बजाः